Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
som den kgl. res. fylgde. Noregs Geografiske Uppmæling
skreiv og spurde Forsvarsdepartementet um dette den 27.
mars 1908. Forsvarsdepartementet sende spurnaden til
Kyrkjedepartementet, og det att raadspurde riksarkivar
Ebbe Hertzberg, som hadde vore formann i
namnekommissjonen fraa 1902. Ebbe Hertzberg hadde høyrt til den
konservative vengen i namnekommissjonen, og han svara
no, at dei namni som fanst i matrikkelen burde ein skriva
etter den (paa alle kartverk); hine namni derimot etter
«den i kartverket hittil befulgte skrivemaate». Han
raadde ifraa aa fylgja den lokale uttala. Dei som gav
tilraading for riksraaden i Kyrkjedepartementet, hev raadt til
at departementet skulde fylgja Hertzberg; koncept til svar
i den leid er uppsett. Men riksraaden baud at svaret
skulde gaa i ei onnor leid. Kyrkjeriksraad daa var Karl
Seip.[1] Den 29. september 1908 svara so
Kyrkjedepartementet at paa kart som kom ut seinare yver Trums
bispedøme, burde dei nytta i alle namn den
skrivemaaten som den kgl. res. fraa 6⁄1 1908 hadde slege fast.
Med umsyn til skrivemaaten paa kart yver andre
landsluter. upplyste departementet at det hadde i tanke aa faa
tilsett ei nemnd; ho skulde taka heradsnamni og
skriveprincippi for stadnamn i det heile upp til aalmenn
revisjon. Difor meinte departementet at det var best dei
ikkje fyrebils slo fast noko um karti yver hine landslutene.
Dei burde venta til resultatet av arbeidet aat denne nemndi
kom. Departementet tenkte seg at nemndi skulde byrja
arbeidet sitt med Nord-Trøndelag fylke. Den 9. oktober
1908 skreiv Forsvarsdepartementet til Noregs Geografiske
Uppmæling i samsvar med dette brevet fraa
Kyrkjedepartementet, og baud at paa kart yver Trums fylke skulde
dei for framtidi skriva alle namn etter princippi i den kgl.
res. fraa 6⁄1 1908.
Ved dette var stiget yver til norsk teke for kartverk
yver Nord-Noreg. I det fylgjande gjekk dei yver til aa
<< prev. page << föreg. sida << >> nästa sida >> next page >>
