Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Motframlegget hadde tvo alternativ. Det fyrste gjekk ut paa at
dei skulde skriva namni i heile landet fullt ut etter
maalføri, utan noko utjamning; «ti en liten dialekt bør ha
samme ret til at leve som en stor; den bør ikke knebles biot
fordi den er liten.» Men dialektformene skulde ein
samstundes bokstavera etter «riksmaalets retskrivning» (med nokre
slike brigde som Riksmaalsforeningen hadde tenkt aa
fyreslaa for riksmaalet). Det andre alternativet gjekk ut paa at
dei skulde halda ved med den skrivemaaten som daa var i
bruk, «indtil der er blit fastsat et fælles norsk
skrift- og skolesprog [1], hvilket derpaa blir at
anvende for al paaskrift paa vore karter». Standpunktet var
soleis tradisjonelt: anten rein dialekt («med riksmaalets
retskrivning»), eller bokmaal; derimot ikkje nokor
«knebling» av maalføri med aa normalisera etter serlege norske
maalreglar. — Brevet fraa Uppmælingi til
Forsvarsdepartementet med dette framlegget er dagsett den 31. januar
1913.
Motframlegget førde til eit resultat som ikkje laag so
langt fraa alternativ 2 hjaa Uppmælingi: den 15. februar
svara Forsvarsdepartementet, at det fann det kunde ikkje
daa ferda ut reglar um namn og paaskrift paa kartverk.
Det vil segja, alt skulde vera som det var; i Sud-Noreg
skulde dei halda fram med den gamle skrivemaaten.
Daa gjekk professor Hægstad personleg til chefen for
Forsvarsdepartementet, riksraad Keilhau. Hægstad fekk
til, at han og Falk skulde senda inn ei ny umsegn i saki.
Dei hadde ikkje fenge høve til aa segja si meining um
framlegget fraa Uppmælingi. Dei sende inn fyreteljingi
si til Forsvarsdepartementet den 20. mars 1913. Sjølve
fyreteljingi hev professor Falk forma. Professor Hægstad
arbeidde ut ei prøveliste med namn, som synte korleis namni
vart uttala, korleis dei saag ut i landsmaalsform og
bokmaalsform og i matrikkelen, og korleis dei skulde skrivast
etter framlegget fraa Hægstad og Falk. I fyreteljingi
nemner dei fyrst orsaki til det uføret som dei norske
<< prev. page << föreg. sida << >> nästa sida >> next page >>
