Norsk namneverk / 130 (1927) Author: Gustav Indrebø Table of Contents / Innehåll | << Previous | Next >>
	Project Runeberg | Catalog | Recent Changes | Donate | Comments? |

Full resolution (JPEG) - On this page / på denna sida - Sider ...

<< prev. page << föreg. sida <<     >> nästa sida >> next page >>

Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

for det aller meste er namni skrivne med den tradisjonelle
unorske rettskrivingi. I 1918 og 1919 retta dei paa sumt av
dette. «Meddelelse» fraa Forsvarsdepartementet den ⁸⁄₂ 1918
brigda namni paa nokre av herdeildene. «Meddelelse» den
¹⁰⁄₁₂ 1919 brigda namni paa krigskommissariati. Nokre nye
rettingar i namn paa herdeilder vedtok Stortinget 2. juli
1927.

Alt dette er slikt som fylgde av Stortings-vedtaket i
1900. Det er framhald av det som vart gjort ved den kgl.
res. fraa ³⁄₁₁ 1917 og namnelovi fraa ¹⁴⁄₈ 1918.

I 1919 fekk ein revidera namni paa poststader,
telegraf- og telefonstasjonar, og jarnvegsstasjonar, so dei namni
kom i samsvar med dei nye fyresegnene.

Alle desse revisjonane er etter tilraading fraa Falk og
Hægstad.

Den 4. juli 1924 vedtok Stortinget at riksens hovudstad
skulde taka upp att det gamle namnet Oslo fraa den
1. januar 1925 (lovi sanksjonera den 11. juli).

Lov fraa 5. juni 1925 brigda bynamnet «Stenkjær»
(gamalnorsk Steinker) til Steinkjer, og lov fraa 4. juli 1927
«Fredrikshald» til Halden.

I brev dagsett den 3. august 1925 fastsette
Kyrkjedepartementet norske stadnamn paa Svalbard, etter
tilraading fraa ein kommissjon som Handelsdepartementet
hadde tilsett i 1924. For denne luten av riket ogso gjeld det,
at dei geografiske namni skal skrivast i norsk form.

        

[Merknad.]

Oslo. Arbeidet for aa faa bytt um namnet «Kristiania»
med «Oslo» hev ei nokso lang soge. Og det stod strid lenge
um dei tvo namni. Me skal leggja til litt i stuttaste drag
um det.

Alt i fyrre hundradaaret var det dei som tok til aa tala
um at det var leidt at hovudstaden hadde vorte umdøypt
i 1624 soleis som han vart. P. A. Munch fann det
«urimelegt» i verket «Det Norske Folks Historie» at bynamnet
hadde vorte brigda, og klaga paa at Kristian IV hadde havt
«det uheldige indfald at ombytte det ældgamle, ærverdige
navn Oslo med det nye, selvopfundne og halvbarbariske

<< prev. page << föreg. sida <<     >> nästa sida >> next page >>