Full resolution (JPEG)
- On this page / på denna sida
- Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
med seg. Ein av dei mange innsendarane i «Dagbladet» i
1874 hermde or Wergelands dikt «Kongens ankomst»:
Vist hans hjerte slog ei sagte
da han gjennem Oslo agte.
Rullende paa dets ruiner
stod det gjenreist i hans miner
og so bar han fram at no maatte tidi vera komi til aa
røynleg «lade nutid og fortid række hinanden haanden,
og indsætte navnet Oslo i sin historiske ret som navn paa
Norges hovedstad».[1] Millom maalfolk tok dei ymist til
aa fylgja Aasen si raad um aa bruka det gamle namnet
uofficielt, endaa det gjekk seint. O. J. Høyem sette «Oslo
eller Kristiania» til prentestad paa andre utgaava av
katekisme-umsetjingi si 1874; og han hev Oslo (Kristiania) i
by-lista i grunnlovsumsetjingi si (1875. 1878). Hans Mo
sette Oslo i skuleboki «Geografi paa landsmaalet» 1884.
«Fedraheimen» sette til prentarstad Oslo paa fyrste
aargangen 1877. Sidan vart det Kristiania att. Men «Den 17.
Mai», fyrste aargangen, tok Oslo straks etter det radikale
valet i hovudstaden i 1894, og ein finn det òg i 1895 og
seinare. Utetter fraa slutten av 1890-aari vart namnet
oftare aa sjaa. Bondeungdomslaget t. d., som vart skipa i
1899, kalla seg Bondeungdomslaget «i Oslo». Ein fekk
Studentmaallaget «i Oslo», og «Oslo Gilde» i 1900. «Norsk
Barneblad» gjekk yver til «Oslo» i 1900, «Syn og Segn»,
tidskrifti aat Det Norske Samlaget, i 1905. H. E. Berner
skreiv eit logande innlegg for «Norske namn» i 1901. Han
kravde Oslo.[2] Osb.
Etter 1905 fekk saki ein framskuv. I 1907 (21. febr.)
sende kaptein Torkildsen ei fyreteljing til Kristiania
formannskap, og bad um at formannskapet vilde taka upp
arbeidet for at hovudstaden kunde faa att «sit gamle
norske navn Oslo istedenfor det stygge, upraktiske,
danske Kristiania». «Jeg vet — skreiv han — at der
vil reises tusinde indvendinger, men saken kan allikevel
gjennemføres, hvis man vil, uten at det vil volde
uovervinnelige praktiske vanskeligheter.» Dette var fyrste
gongen spursmaalet um namnebyte kom inn for
kommunestyret i Kristiania. Formannskapet lagde framlegget burt
i møte den 6. mars 1907.[3]
[1] «Dagbladet» nr. 220, 22. septbr. 1874. — Artikkelen er ikkje
signera, men han er vel heller av ein innsendar enn av redaksjonen.
[2] «Syn og Segn» 1901, s. 230—242.
[3] Sjaa for dette og det fylgjande
Aktstykker vedk. Kristiania i 1923—24 I b, sak nr. 154. Stort.-forhl.
1924, 3. d. b Ot. medd. nr. 1; 6 d. b Innst. Ot. XIV.
<< prev. page << föreg. sida << >> nästa sida >> next page >>
Project Runeberg, Sun Dec 10 18:06:05 2023
(aronsson)
(diff)
(history)
(download)
<< Previous
Next >>
https://runeberg.org/namneverk/0133.html
