Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
E. J. Jessen, Det kongerige Norge I (Kjøbenhavn 1763),
s. 153 skriv: «Desforuden maae man og legge merke til det
navn, som indbyggerne i landet give det, da de rette
indbyggere eller bønderne sige ikke Norge, men paa de fleste
steder Norrige» (forfattaren strikar under). «Norrige»
lyt her vera ei typeform for usynkopera segjemaatar i det
heile: Nor(r)ije, Nor(r)i, Nor(r)e, Norig, Noreg. Derimot
kann det ikkje vera typeform for «Norje»; for uttala
«Norrige» (segjer forfattaren) er argument for dei som meiner
at landsnamnet tyder «Nors rike» (dansk ri(g)e); daa lyt
ein ha vokal, ikkje j, fremst i andre stavingi.
Ein kann ikkje faa kontrollera desse upplysningane.
Men naar ein set dei attaat kvarandre, gjev dei til saman
eit vitnemaal som ikkje er lett aa vanda; det gjeng ut paa
at den usynkopera namneformi (Nori, Norig, Norije,
Nore(g)) hev vore meir aalmenn i ei noko eldre tid enn no.
Endaa Jessen var danske og ikkje budde i Noreg, lyt ein leggja
vekt paa upplysningane hans. Han var grannvar og grundig,
radt til det pedantiske; og han hev uppgaavor elles um
uttala for norske namn, som ser ut til aa ha grunnlag. Han
hadde dertil gjort verkelege granskingar um riksnamnet,
etter tidsens høve. Han skreiv ei heil stor avhandling um det.
Sume hev meint at skrivemaaten «Norge» i bokmaalet,
ja endaa til i riksmaalet i Danmark, ikkje skulde koma
fraa dansk. Han skulde byggja paa slike norske
maalføre som tidleg hev fenge «Norje». Av aalmenne
historiske grunnar er det lite rimelegt. Truleg hev namnet
«Norge» vunne fram til aa faa hævd i det danske skriftmaalet
i Noreg hovudsakleg for di det vart raadande i det
officielle danske riksmaalet i Danmark; og der hev det vel
<< prev. page << föreg. sida << >> nästa sida >> next page >>
