Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
litteras vel verba deesse et de suo supplere conatus est —
plerumque parum scite atque ita, ut falsum esse appareat;
interdum tamen editores decepit.
Sed antequam hoc exemplis probare conor, alius
mihi codex. Bernensis tertius (c), commemorandus est. Is,
ut ceteri duo Bernenses, diligentissime a Baitero (cfr.
editionem alteram Orellianam) collatus est. Saeculo decimo
tertio scriptus et apertissime interpolatus est aut, quod
idem est, ex interpolato exemplari transcriptus. Velut in
noto versu Enniano (I § 84): „Ergo postque magisque viri
nunc gloria claret“ in Bernensi tertio legitur: „postea magis
magisque“. Libro primo (§ 82), ubi in codice archetypo,
quum: „quietis et cogitatis“ scribi deberet, errore calami
scriptum erat: „quietis et cogitationis“, quod in omnibus
integris est, aperta interpolatione in Bernensi tertio ortum
est: .,quietis cogitationibus.“ Quum in codice archetypo
(I § 31) inter verba: ,,reddere depositumK et „facere
promissum“ irrepsisset interrogatio: „etiamne furioso“ (qui
adscripsit, ea, quae III § 95 leguntur, respexisse videtur),
haec religiose servaverunt codices integri (etiam Bernensis
primus et Palatinus1)), is vero, qui Bernensem tertium
scripsit, ut aliquem sensum efficeret, temere mutavit: „reddere
depositum et non furioso facere promissum11. Saepe
librarius verba inepta addidit, ut I § 53: „Gradus autem plures
sunt societatis hominum. Ut enim ab illa infinita
discedatur . . .“ Sic in integris (etiam in Bern. primo); in tertio
vero temere additum est verbum: „Ut enim ab illa iniinita
multitudine discedatur". Non vidit audiri societatem. (Cfr.
praeterea I § 34: „ut et ipse ne quid tale posthac faciat11 ;
I § 82: „ne quid temere fat“ ; I § 38: „Pyrrhi quidem de
captivis reddendis illa praeclara sententia est“ ; I § 46:
„Atque haec in moribus consideranda11 ; II § 36: „nec sibi
nec alteri prosunt, ut dicitur’1.)
Nulla igitur fides huic codici ut interpolato habenda
esset, si ex eodem codice quo integri esset transcriptus.
’) Codex Palatinus (p), quo usus est Gruterus, duodecimi saeculi,
interpolatus est; saepe cum Bernensi tertio consentit, interdum
cum integris contra Bernensem; sed parum notus est.
<< prev. page << föreg. sida << >> nästa sida >> next page >>
