Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
24 Gustav Indrebø
lukkast å syta til vegar midel. Kann henda var det likso godt
at ho ikkje enda i Bergen. Transporten hadde nok vorte stuttare
enn til Schlesia, og noko meir av vyrket hadde vel då kunna
nyttast ved atterreisingi. Men det råe klimaet i Bergen, endå
til nede med hav-nivået ved Lungegardsvatnet, vilde ikkje ha
vore so godt for henne.
Den vyrdsemd og varme historiske sans som Christie åtte,
gjorde at han sjølv gjekk sers finsleg fram med innsamlingi si.
Han var ingen kyrkjeranar. Um han var ihuga museumsmann,
so freista han ikkje vreista eller lokka ifrå kyrkjone saker som
stod på plass, var velhaldne og gjorde si teneste; — det einaste
var at han stundom baud seg til å taka i byte gamle verdfulle
døypefat mot nye likso store massingfat. Det som han kjøpte
eller bad um å få i gåve, var saker som var komne på rek, låg
burtslengde og vanvyrde på uvedkomande stader, eller burtstuva
på kyrkjeloft. Innsamlingsarbeidet hans var i bokstavleg meining
eit bergingsarbeid. Mest fekk han samla frå Bjørgvin bispedøme,
som von var. Men noko frå andre landsluter. På sumarferdi upp til
Innherad 1847 tinga han med godt samvit ein stor døypefunt
av kvit marmor frå Sakshaug kyrkje. Trondheims Museum kunde
ikkje taka imot funten, for det hadde ikkje rom til »tunge Steen
sager«. Funten stod übruka, sundslegen i tvo stykke, utanfor
kyrkja i eit materialhus (193 i, 2. h.).
Christie emna på utgreidingar um ymse kyrkjelege bygningar.
Men han kom ikkje lenger enn til disposisjonen. Slike disposisjonar
er: »Udkast til Beskrivelse over Moster Kirke«, »Plan til en Af
handling om de Klostere som have været i Bergens Stift«, i mnskr.
187 a, nr. 50 og 51. Um steinkrossar derimot, som deilvis i minsto
er kyrkjelege minne, prenta han ei utgreiding i Urda 11, s. 160—180.
I slutten av denne utgreidingi stend den logande uppmodingi
som me hev hermt um å syna vyrdsemd mot fortidsminni. Sume
tillegg til denne prenta utgreidingi finst i mnskr. 187 a, 3. 189 a,
B—9.8—9. 193 i, 1. h. s. 46—47, og kann henda fleire stader.
I 1840 gjorde Christie framlegg for direksjonen um at Museet
skulde samla husbunad o. dil., som »vil give et interessant Tilbage
blik paa den senere Fortid«. I 1846 gjorde han framlegg um
å skipa ei ny deild ved Museet for nyare kulturhistorie, ei deild
<< prev. page << föreg. sida << >> nästa sida >> next page >>
