- Project Runeberg -  Nyare undersökningar på den Plautinska Prosodiens område /
1

(1894) [MARC] Author: Per Persson
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (TIFF) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Nyare undersökningar på den Plautinska prosodiens
område.



Hac commentatiuncula breuiter referuntur atque in unum
comprehenduntur ea, quae recentiore aetate de prosodia Plauti
ceterorumque poetarum scaenicorum latinorum disputata
inuestigataque sunt. Et maxime quidem agitur de mensura
particularum nempe, quippe, aduerbiorum inde, unde, formarum quarundam
pronominum ille, iste. Quas figuras in uersibus scaenicorum id
singulare habere constat, ut priores syllabae haud paucis locis
corripi uideantur: nēmpe, quīppe, īnde cet. Eiusmodi autem
correptionis cum nulla prorsus ratio excogitari possit, locis illis, si
uerum quaerimus, non nēmpe, quīppe, īnde cet. pronuntiandum
est, sed nemp(e), quipp(e), ind(e) cet. admissa syncopa uocalium
finalium (cfr nec : neque, ac : atque, id gen. al.). Priores igitur
eorum, quae dixi, uocabulorum syllabae etiam in uersibus
scaenicorum semper per se longae sunt. Quam regulam ne ii quidem
loci euertunt, ubi formae quaedam ille et iste pronominum ita
positae sunt, ut legem dipodicam, quam uocant, migrare
uideantur, uelut illi quarto senarii pede Bacch. 1018, pallam illam
initio septen. troch. Men. 426. Ad quos locos expediendos non
correptio syllabae ill fingenda, sed potius statuendum ultimam
accentu praeditam fuisse (illí illám).

In excursu de origine particularum quarundam latinarum
(em, ecce, al.) disputatur. Atque em ex imperat. eme decurtatum
esse, ut uolunt Stowasserus et Skutschius, ego non credo. Immo
ex stirpe pronominali e eadem ratione deriuatum est atque nem
(nem-pe)
ex stirpe ne, tem (au-tem) ex stirpe te (cfr αυ-τε). Stirps
illa, quae est e, etiam in ecce particula reperitur: ecce ex ē-ce

<< prev. page << föreg. sida <<     >> nästa sida >> next page >>


Project Runeberg, Sun Dec 10 21:31:32 2023 (aronsson) (diff) (history) (download) << Previous Next >>
https://runeberg.org/nyaplautin/0009.html

Valid HTML 4.0! All our files are DRM-free