- Project Runeberg -  A short practical and easy method of learning the old Norsk tongue or Icelandic language /
86

(1869) [MARC] Author: Rasmus Rask
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Icelandic Reader

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

sigraði þa, og eru þar lángar frásagnir. Síðan eignaðist hann
Upplönd, þaðan fór hann norðr í Þrándheim, ok átti þar
margar orrostur, áðr hann yrði einvaldi yfir öllum Þrændalögum.

Siðan ætlaði hann at fara norðr í Naumudal á hendr þeim
brœdrum Herlaugi ok Hrollaugi, er þá váro konúngar yfir
Naumudal. En er þeir brœdr spurðu til ferðar hans, þá gekk
Herlaugr í haug þann með tólfta mann, er áðr höfðu þeir
gera látið, ok vâro at þrjá vetr; var siðan haugrinn aptrlokinn.
En Hrollaugr konúngr veltist or konúngdómi, ok tók upp
jarlsrètt, ok fór síðan á vald Haralds konúngs, ok gaf upp ríki sitt.
Svâ eignaðist Haraldr konúngr Naumdœlafylki ok Hálugaland;
setti hann þar menn yfir ríki sitt.

Síðan bjóst Haraldr konúngr or Þrándheimi með skipaliði,
ok fór suðr á Mœri, átti þar orrostu við Húnþjóf konung, ok
hafði sigr; fèll þar Húnþjófr: þá eignaðist Haraldr konúngr
Norðmœri ok Raumsdal.

En Sölvi klofi, son Húnþjófs, hafði undan komizt, ok fór
hann á Sunnmœri til Arnviðar konúngs, ok bað hann ser
fulltíngs, ok sagði svâ: Þótt þetta vandrædi hafi nú borit oss at
hendi, þa mun eigi lángt til, at sama vandrædi mun til yðvar
koma; þvíat Haraldr ætla ek at skjótt mun her koma, þa er
hann hefir alla menn þrælkat ok áþjáð, sem hann vill á
Norðmœri ok í Raumsdal. Munu þer hinn sama kost fyrir höndum
eiga, sem vær áttum, at verja fe yðvart ok frelsi, ok kosta
þartil allra Þeirra [[** sic Þ **]] sic manna, er yðr er liðs af van, ok vil ek
bjóðast til með mínu liði móti þessum ofsa ok ójafnaði. En
at öðrum kosti munu þer vilja taka upp Þat [[** sic Þ **]] ráð, sem
Naumdœlir gerðu, at gánga með sjálfvilja í ánauð, ok gerast þrælar
Haralds. Þat þótti föður mínum sigr, at deyja í konúngdómi
með sœmd, heldr en gerast undirmaðr annars konúngs á
gamals aldri: hygg ek at þer muni ok svâ þykja, ok öðrum þeim
er nokkurir ero borði, ok kappsmenn vilja vera. Af slíkum
fortölum var konúngrinn fastráðinn til þess at samna liði, ok
verja land sitt.

Bundu þeir Sölvi þá saman lag sitt, ok sendu orð
Auðbirni konúngi, er rèð fyrir Firðafylki, at hann skyldi koma til
liðs við þa. En er sendimenn komu til Auðbjarnar konúngs,
ok báru hânum þessa orðsendíng, þá réðst hann um við vini
sína, ok rèdu hânum þat allir, at samna liði, ok fara til móts
við Mœri, sem hânum vâro orð send til.

Auðbjörn konúngr lèt skera upp herör, ok fara herboð
um allt sitt ríki; hann sendi ok orð ríkismönnum, ok bað þá

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:19 2016 (aronsson) (diff) (history) (download) << Previous Next >>
http://runeberg.org/oldnorsk/0096.html

Valid HTML 4.0! All our files are DRM-free