Full resolution (JPEG)
- On this page / på denna sida
- Icelandic Reader
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hliðinu fast með sína sveit, ok hlífði ser lítt; varð þar mikit
mannfall; þvì at hverr fèll um annan borgarmanna. Er svâ
sagt at Egill gengi fyrstr manna í borgina, ok síðan hverr
at öðrum; síðan flýðu bœjarmenn, var þar mannfall mikit.
En þeir Þórólfr ræntu kaupstaðinn, ok tóku mikit fe, en brendu
bœjinn, áðr þeir skildust við. Fóro síðan ofan til skipa sinna.
*
Af Snorre Sturlesens Heimskríngla.
Saga Hákonar góða.
1. Hákon Aðalsteinsfóstri var þá á Englandi, er hann
spurði andlát Haralds konúngs föður síns; bjóst hann þá þegar
til ferðar: fèkk Aðalsteinn konúngr hânom lið, ok góðan
skipakost, ok bjó hans för allvegliga; ok kom hann um haustit
til Noregs. Þá spurði hann fall brœðra sinna, ok þat með
at Eiríkr konúngr var þá í Víkinni: sigldi þá Hákon norðr til
Þrándheims, ok fór á fund Sigurðar Hlaðajarls, er allra spekínga
var mestr í Noregi, ok fèkk þar góðar viðtökur, ok bundo þeir
lag sitt saman; hèt Hákon hânom miklo ríki, ef hann yrdi
konúngr. Þá lèto þeir stefna þíng fjölmennt, ok á þíngino
talaði Sigurdr jarl af hendi Hákonar, ok bauð bóndom hann
til konúngs. Eptir þat stóð Hákon sjálfr upp ok talaði; mælto
þá tveir ok tveir sín á milli, at þar væri kominn Haraldr
hárfagri, ok orðinn úngr í annat sinn. Hákon hafði þat upphaf
síns máls, at hann beiddi bœndr viðtöku, ok at gefa ser
konúngsnofn, ok þat með at veita ser fulltíng ok styrk til at halda
konúngdóminom; en þarímót bauð hann þeim at gera alla
bœndr óðalborna, ok gefa þeim óðol sín, er ábjoggu. At þesso
örendi varð rómr svê mikill, at allr bónda múgrinn œpti ok
kallaði, at þeir vildi hann til konúngs taka; ok var svâ gert,
at Þrændir tóku Hákon til konúngs um allt land, [þar var hann
15 vetra: tók hann ser þá hirð, ok fór yfir land.
Þau tíðindi spurðust á Upplönd, at Þrændir höfðo ser
konúng tekit, slíkan at öllu sem Haraldr hinn hárfagri var, nema
þat skildi, at Haraldr hafði allan lyd í landi [þrælkat ok áþjáð,
en þessi, Hákon, vildi hverjom manni gott, ok bauð aptr at
gefa bóndom óðöl sín, þau er Haraldr konúngr hafði af þeim
tekit. Við þau tíðindi urðo allir glaðir, ok sagði hverr öðrum,
<< prev. page << föreg. sida << >> nästa sida >> next page >>
Project Runeberg, Mon Dec 11 13:19:06 2023
(aronsson)
(diff)
(history)
(download)
<< Previous
Next >>
https://runeberg.org/oldnorsk/0101.html
