- Project Runeberg -  A short practical and easy method of learning the old Norsk tongue or Icelandic language /
97

(1869) [MARC] Author: Rasmus Rask
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Icelandic Reader

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)


Eysteinn konúngr svaraði: eigi man ek hitt siðr, er þu
fèkkt ekki leikit, þat er mjúkleikr var í.

Þá mælti Sigurðr konúngr: mantu hversu of sundet fór
með okkr? ek mátta kefja þik, ef ek vilda!

Eysteinn sagði: ekki svam ek skemra en þú, ok eigi var
ek verr kafsyndr; ek kunna ok á ísleggjom, svâ at engan
vissa ek, þann [er kepðe við mik, en þú kunnir þat eigi heldr
en naut.

Sigurðr konúngr svarar: höfðíngligri iðrótt ok nytsamligri
þykki mer sú, at kunna vel við boga; ætla ek at þú nýtir
eigi boga minn, þótto spyrnir fótom í.

Eysteinn segir: ekki em ek bogsterkr svâ sem þú,
en minna mun skilja beinskeyti okkra, ok myklo kann ek
betr en þú á skíðom, ok hafðe þat enn [verit kallat fyrr
góð íðrótt.

Sigurðr segir: þess þykkir mikill munr, at þat er
höfðíngligra, at sá er yfirmaðr skal vera annarra manna, se mikill í
flokki, sterkr ok vâpnfœrr betr en aðrir, auðsær ok auðkendr,
þá er [margir eru saman.

Eysteinn segir: eigi er þat síðr einkanna hlutr, at maðr
se fríðr sánom, ok er sá ok auðkendr í mannfjölda, þikki mer
þat ok höfðingligt, þvíat fríðleikinom samir hinn bezti búnaðr.
Kann ek ok myklo betr til laga en þú; ok svâ, hvat sem við
skolum tala, em ek myklo slèttorðari.

Sigurðr svarar: Vera kann at þú hafir numit fleiri
lögpretto, þvíat ek átta þá annat at starfa; ok engi frýr þer
slèttmælis, en hitt mæla margir, at þú ser ekki allfastorðr, ok lítið
mark se hverjo þú heitr, ok mælir eptir þeim er þá ero hjá,
ok er þat ekki konúnglikt.

Eysteinn svarar: þat herr til þess, er menn bera mál sín
fyrir mik, þá hugsa ek þat fyrst, at lúka svâ hvers manns
máli, at þeim mætti bezt þykkja; þá kemr opt annarr, sá er
mál á við hann, verðr þá jafnan dregit til ok miðlat, svâ at
báðom skyldi líka. Hitt er ok, at ek heit því er ek em beðenn,
þvíat ek vilda, at allir fœri fegnir af mínom funde; se ek hinn
kost, ef ek vil hafa sem þú gerir, at heita öllum illu, en engi
heyri ek efndanna frýja.

Sigurðr svarar: þat hefir verit mál manna, at ferð sú er
ek fór or lande væri heldr höfðínglig, en þú sazt heima meðan,
sem dóttir föður þíns.

Eysteinn svarar: nú greiptu á kýlino! eigi mynda ek þessa
rœðo vekja, ef ek kynna her engu [um at svara: nær þótti

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:19 2016 (aronsson) (diff) (history) (download) << Previous Next >>
http://runeberg.org/oldnorsk/0107.html

Valid HTML 4.0! All our files are DRM-free