- Project Runeberg -  A short practical and easy method of learning the old Norsk tongue or Icelandic language /
98

(1869) [MARC] Author: Rasmus Rask
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Icelandic Reader

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

mer hino, at ek gerða þik heiman sem systor mína, aðr þú
yrðir búinn til fararinnar.

Sigurðr svarar: heyrt muntu þat hafa, at ek átta orrostor
margar í Serklandi, ok fèkk í öllum sigr, ok margskonar
gjörsimar, þær er eigi hafa slíkar komit hingat í land; þótta ek
þar mest verðr, er ek fann göfgasta menn, en ek hygg, at
eigi hafir þú enn [hleypt heimdreganom. Fór ek til Jórsala,
segir hann, ok kom ek við Púl, ok sá ek þig eigi þar, bróðir!
Ek gaf konúngdóm Rodgeiri jarli hínom ríka; vann ek átta
orrostor, ok vartu at aungarri. Fór ek til grafar dróttins, ok
sá ek þig eigi þar, bróðir! Fór ek í ána Jórdán, þar sem
dróttinn [var skírðr í, ok svam ek út yfir ána, ok sá ek þig
eigi þar, [en út á bakkanom var kjarr nökkut, ok knýtta ek
þer þar knút á kjarrino, ok bíðr þín þar; [ok mælta ek svâ
fyrir, at þú skylder leysa, bróðer! eða hala ellar þvílíkan
formála, sem þar var álagðr.

Þá mælti Eysteinn konúngr: smált mun ek hafa herímóli:
Norðr í Vágom setta ek fiskimannabúðir, at fátœkir menn mætti
nærast til lífshjálpar, ok setta ek þar prestvist, ok lagða ek fe
til kirkju þeirrar, er náliga var allt heiðit áðr; mâno þeir
menn muna, at Eysteinn konúngr hefir verit í Noregi. Um
Dofra fjall var för or Þrándheimi; urðo menn þar jafnan úti,
ok fóro þar margir menn hörðom förum, lèt ek þar sælohús
gera, ok fe tilleggja, ok munu þeir vita, at Eysteinn konúngr
hefir verit í Noregi. Fyrir Agðanesi voru öræfi ok hafnleysi,
fórust mörg skip; þar er nú höfn ger ok gott skipalægi, ok
kirkja gjör. Síðan lét ek vita gera á háfjöllom; nú munu þessa
njóta allir menn innanlands. Höllina lèt ek gera í Björgyn
ok postulakirkju ok rið milli; munu konúngar þeir muna nafn
mitt, er eptir koma. Mikjalskirkju lèt ek gera ok múnklifi;
skipaða et ok lögonom, bróðir, at hverr mætti hafa rèttindi við
annan, ok ef þau ero haldin, þá mun betr fara landsstjórnin.
Stöpulinn lèt ek gera í Sinhólmssundi. Þeim jamtom höfom
ver ok snúit undir þetta ríki, meir með bliðom orðom ok viti
en með ágáng eðr ófriði. Nú er þetta smátt at telja, en égi
veit ek víst at landsbúunom se þetta óhallkvæmara, en þótt
þú brytjaðir blámenn fyrir fjandann [á Serklandi, ok hrapa
þeim svâ til helvítis. En þar sem þú hrósaðir góðgerníngom
þínom, ætla ek mer eigi minna til sálubólar staði þá, er ek
lèt setja hreinlífismönnum. En þar sem þú reitt mer knútinn,
ok mun ek þann eigi leysa, en ríða mátta ek þer þann knút,
[ef ek vilda, at þú værir aldregi konúngr í Noregi, þá er þú

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:19 2016 (aronsson) (diff) (history) (download) << Previous Next >>
http://runeberg.org/oldnorsk/0108.html

Valid HTML 4.0! All our files are DRM-free