- Project Runeberg -  A short practical and easy method of learning the old Norsk tongue or Icelandic language /
99

(1869) [MARC] Author: Rasmus Rask
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Icelandic Reader

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

sigldir einskipa í her minn, er þú komt í land. Líti nú vittrir
menn hvat þú hefir umfram, ok vita skulut þer þat,
gullhálsarnir, at menn muno enn jafnast við iðr í Noregi. Eptir þat
þögnuðo þeir baðer, ok var hvârtveggi reiðr. Fleiri lutir urðo
þeir í skiptom þeirra brœðra, er þat fanst, at hvárr dró sik
fram ok sitt mál, ok vildi vera öðrom meiri, en þó hèlzt friðr
[millum þeirra, meðan þeir lifðo.


*






Af Njálssaga.

Gunnarr á Hlíðarenda.

19… Gunnarr Hámundarson bjó at Hlíðarenda í
Fljótshlíð; hann var mikill maðr vexti ok sterkr, [manna bezt vígr:
hann hjó báðum höndum ok skaut, ef hann vildi, ok hann
vâ svâ skjótt með sverði, at þrjú þóttu á lopti at sjá; hann
skaut manna bezt af boga, ok hœfði allt þat er hann skaut
til; hann hljóp meir en bæð sína með öllum herklæðum, ok
eigi skemra aptr en fram fyrir sik; hann var syndr sem selr;
ok eigi var sá leikr, er nokkurr þyrfti við hann at keppa;
ok hefir svâ verit sagt, at eingi væri hans jafníngi. Hann var
vænn at yfirlitum ok ljós-litaðr, rètt-nefjaðr ok hafit upp í
framanvert, bláeygr ok snareygr, ok roði í kinnunum, hárit mikit,
ok fór vel ok vel litt; manna kurteisastr var hann, harðgjörr
í öllu, femildr ok stiltr vel, vinfastr ok vinavandr; hann var
vel auðigr at fe; bróðir hans hèt Kolskeggr, hann var mikill
maðr ok sterkr, drengr góðr ok öruggr í öllu. Annarr bróðir
hans hèt Hjörtr, hann var þá í bernsku…

20… Njáll bjó at Bergþórshvâli í Landeyjum, annat bú
átti hann í Þórólfsfelli. Njáll var vel auðigr at fe ok vænn
at áliti, hánom vox eigi skegg. Hann var lögmaðr svâ mikill,
at eingi fannst hans jafníngi; vitr var hann ok forspár,
heilráðr ok góðgjarn, ok varð allt at ráði, þat er hann rèð
mönnum, hógværr ok drenglyndr; hann leysti hvers manns vandræði,
er á hans fund kom. Bergþóra hèt kona hans, hon var
Skarpheðins dóttir, kvennskörúngr mikill ok drengr góðr, ok nokkut
skaphörð; þau áttu 6 börn, dœtr þrjár ok sonu þrjá, ok koma
þeir allir við þessa sögu síðan.

25… Nú skal nefna sonu Njáls: Skarpheðinn hèt hinn

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:19 2016 (aronsson) (diff) (history) (download) << Previous Next >>
http://runeberg.org/oldnorsk/0109.html

Valid HTML 4.0! All our files are DRM-free