Full resolution (JPEG) - On this page / på denna sida - Liber Primus. De ritu gentium et natura rerum ac usu bellandi populorum Septentrionalium - Cap. II. De Finmarchia, & gentibus eius
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
FINMARCHIA regio titulo est Septentrionalis partis Norvegiæ, olim ob sui | |
amplitudinem Regio decorata. Hæc etsi rigidiorem orbis terrarum | Homines robusti. |
partem culturam , ac mansionem sortita est, attamen homines robustis corporibus, | |
& animo magno habet, qui ab hostium incursu se strenue defendere solent, | |
vt infra de bellis Finmarchorum ostendetur. Aër illius regionis, sicuti & | Aër semper frigidus, sed innocuus. |
vicinarum, semper frigidus est, & serenus, innocuus tamen humanis corporibus, | |
rarissimas pluvias tempore æstivo admittens: tantaque est illic aëris temperies , | |
vt pisces nullo sale conditi, sed solo aëre siccati, toto decennio ab putrefactione | Aëre pisces siccantur. |
durent, vt infra lib. de piscibus, cap. de piscatura periculosa ostendetur. Ab octavo | |
Cal. Aprileis vsque ad sextum Idus Septembreis, est illic continuus dies, | Dies continuus |
nullis intervenientibus tenebris, videturque sol ab IIII. Nonas Maii vsque ad Cal. | |
Augusti, nulla intercidente nocte. Quo fit, vt sine gravi periculo ibi navigetur alioquin | |
in tenebris, ob latentia saxa periculosissima esset illic navigatio. Est autem Finmarchiæ | |
zenit inter circulum Arcticum, & polum mundi, ipsorumque Orizon intersecat | Zenit Finmarchiæ. |
Zodiacum in duobus punctis æque distantibus ab principio Cancri: & in revolutione | |
firmamenti contingit, quod illa portio Zodiaci intercepta semper relinquatur | |
supra Orizontem: vnde patet quod quandiu sol est in illa portione intercepta, | |
erit vnus dies continuus sine nocte: & si illa portio fuerit vnius signi, erit ibi dies | |
continuus vnius mensis sine nocte; ad quantitatem duorum signorum erit duorum | |
mensium. Et ita deinceps ex opposito contingit eisdem, quod portio Zodiaci intercepta | |
ab illis duobus punctis æque distantibus ab principio Capricorni, semper | |
relinquatur sub Orizonte: vnde cum sol est in illa portione intercepta, erit vna nox | |
sine die, brevis, vel magna, secundum quantitatem interceptæ portionis. Signa | Nox continua. |
autem reliqua, quæ eis oriuntur, & occidunt præpostere oriuntur & occidunt. Si | Signorum ortus. |
quidem Taurus ante Arietem, Aries ante Pisces, Pisces ante Aquarium præpostere | |
oriuntur; & tamen signa his opposita oriuntur recto ordine , & occidunt præpostere, | |
vt Scorpius ante Libram, Libra ante Virginem; & tamen signa his opposita | |
occidunt directe, illa scilicet quæ oriebantur præpostere, vt Taurus &c. Hæc ex | |
autore sphæræ descripsisse volui, vt promptior sit lectori occasio de illis terris philosophandi. | |
Plinius vero lib. II. cap.XIX. dicit : Inæqualitatis causa obliquitas | Causa inæqualitatis ortus. |
est signiferi cum pars æqua mundi super, subterque terras omnibus fiat momentis. |
<< prev. page << föreg. sida << >> nästa sida >> next page >>