- Project Runeberg -  Historia de gentibus septentrionalibus /
123

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Tertius. De superstitiosa cultura dæmonum populorum Aquilonarium - Cap. XIX. De eisdem Magis, & similibus

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER. TERTIVS        123


De eisdem Magis, & similibus.


CAP. XIX.


                                        DEINDE Othinus major, atque senior inter magos, HadingumHadingus rex illusus.
                                        quendam Daniæ Regem magicis præstigiis turpiter
                                        illusum, atque longius a suis familiaribus avulsum, cum
                                        equo per vasta maris spatia ad propria reduxit. Cum tamen
                                        Hadingus duceretur, amiculi eius rimas, sub quo
                                        trepidus delitebat, per summam rerum admirationem visus
                                        perspicuitate traiiciens, animadvertit equinis freta patere
                                        vestigiis: prohibitusque rei inconcessæ captare conspectum,
                                        plenos stuporis oculos a terribili itinerum suorum
contemplatione desfexit. Demum Haquinus Norvegiæ Princeps contra Danos pugnaturus, Haquinus rex.
coorti imbris maleficio ita hostium vertices inusitatis grandinis ictibusGrando.
converberavit, vt eorum oculi veluti quibusdam nimborum spiculis lacessiti, prospiciendique
penitus facultate defecti, graviorem ab elementis pugnam, quam a hostePugna gravior ab elementis.
sentirent. Præterea Biarmenses polo Ardico viciniores, in Septentrione contra
potentissimum Regem Regnerum pugnaturi, carminibus aggressi cœlum, solicitatasRegnerus rex.
nubes ad summam vsque nimborum violentiam impulerunt. Deinde Danos subito
remissa tempestate tempestuosissimi fervoris flagrantia torruit. Ita anceps geminæ
intemperantiæ malum vicissim affecta corpora salute, & victoria spoliavit. Salute & victoria spoliat rex.
Sed de hoc, , & simili certamine Biarmiensium, Finmarchorum, ac Scricfinnorum, alibi
diffusius lib I. cap. primo & sequentibus, superius est ostensum &c. NovissimisPœna.
tamen his seculis omnes vtriusque sexus homines in hoc errore convicti, pœna
ignis, quoties opus fuerit, acerrime puniuntur: quia versari non licet in magicis
artibus temporibus Christianis, quemadmodum Cassio. IIII. lib. meminit de edictisTheodericus rex Goth.
Theoderici Regis Gothorum: qui volvit, ne leges sinerent evadere criminosos.
Præterea lib. IX. Athalarici Regis Gothorum sententia est, Maleficos, vel eos, quiAthalaricus rex Goth.
ab eorum nesariis actibus aliquid crediderint expetendum, legum severitate
fore puniendos: quia impium est circa eos esse remissos,
quos cœlestis pietas non patitur impunitos, vt superius
eodem lib. cap. XV. est notatum:
quia Decretali pœna
plectendi sunt,
qui se
prohibitis excessibus
miscuerunt.


illustration placeholder


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0209.html

Valid HTML 4.0! All our files are DRM-free