- Project Runeberg -  Historia de gentibus septentrionalibus /
140

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Quartus. De bellis et moribus sylvesterium paganorum ac vicinorum - Cap. VII. De nuptiis Lapponum per ignem

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

140        DE BELLIS ET MORI. PAGA.



illustration placeholder

De nuptiis Lapponum per ignem.


CAP. VII.

                                        PRÆSENTIBVS amicis & sanguine junctis, parentes
Nuptiæ ferro, silice, & igne firmantur, et cur.                                        per ignem fœderant conjugia natorum: & hoc ferro, &
                                        silice per excussionem. In igne nanque, & silice, quasi conjugali
                                        consortio auspicatiora, & aptiora nectuntur connubia,
                                        quam quovis altrinseco signo: tamque consyderato more
                                        recepto, ac si e media Græcia, vel Latio processisset hæc
Romani.                                         disciplina. Quod autem ignem præferunt, id non faciunt
                                        soli, cum eum ritum Romani omnium populorum maximi,
                                        olim festive (vt Ziglero placet ) observarint. sed vt
ostendant se ea ratione duci, tanquam significantione ignis e silice excussi, itidemque
Silex. reclusi, vinculum, seu virtutem inesse indissolubilis charitatis. Vt enim silex latentem
in se ignem valde affinem retinet, qui concussione emicat: sic in vtroque sexu est
Proles. recondita vita, quy4æ tandem profertur mutua copula in prolem viventem: Sed nec
sine igne civiliores Christiani populi nuptiales ritus alibi in Aquilone exornant.
Vnusquisque enim sponsus, & sponsa, juxta eminentiam suæ dignitatis ac generis,
Faculæ cæreæ. altas faculas mira arte, varioque colore e molli cæra, varioque colore sericeis pannis
appendentibus confectas, pro sacerdotali benedictione ecclesiam accessuri, ante se
portari jubent: quas & ibi solennibus peractis, vna cum eximiis oblationibus persistere
sinunt: vbi interim cæreorum portitores quasi prædam opulentam pannos sericeos
Purgatio post partum. velut furore pleni, partiuntur. Præterea mulieres enixa prole post partum
cæreis accensis Deo gratias acturæ accedunt: immo et cuncti Christi fideles luminibus
accensis in tumulum reportantur, vti olim baptismo, & lampade accensa mundum
sunt ingressi. Quantum vero ad prædictos Lappones, & eorum ritum attinet, superaddendum
erit, quod nuptiis his more præmisso per ignem celebratis, sponsam
Sponsa deducitur. armelinis pellibus ac zabellinis ornatam, rangifero quasi domesticato ceruo amicorum
insigni caterva, juxta germinis excellentiam, comitatam, agnati imponunt:
atque ita in thalamum, vel tentoria, mediantibus tripudiis, fœcunditatem & sanitatem
Patricius Venetus. precantes, inducunt. Maritus vero lynceis ornatus pellibus, aut mardurinis,
tanquam patricius vir Venetus aliquis, incedit: pretio pellium æque æstimandus,

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0226.html

Valid HTML 4.0! All our files are DRM-free