- Project Runeberg -  Historia de gentibus septentrionalibus /
141

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Quartus. De bellis et moribus sylvesterium paganorum ac vicinorum - Cap. VII. De nuptiis Lapponum per ignem - Cap. VIII. De choreis gemebundis, seu luctuosis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER QVARTVS        141

vt alii gemmis onusti, vel torquibus deauratis. Sed pro tanto sponsus miris laudibus
prosequendus est cum sponsa sua, immo tota gens illa, que non vaga libidine, sedVaga libido fœdissima.
honorabili matrimonio tantis celebritatibus sese permittunt conjungendos. Non ita
Garamantici Aethiopes: de quibus Soli. cap. XLIII. qui inter omnes populos degeneres
habentur, & vilissimi reputantur. Nec immerito: quia afflicta castitatis disciplina,
successionis notitiam ritu improbo perdiderunt: quibus nostro infelici ævo
valde similes æstimari merentur, qui violato sacri coniugii nexu, adulterinam quæruntAdulterina soboles.
sobolem, cui indebitam distribuant hæreditatem, immo infatigabilem seditionem,
& occisionem.

illustration placeholder

De choreis gemebundis, seu luctuosis.


CAP. VIII.

                                        NEQVE gens hæc sub rigidissimo Septentrionis climate
                                        alternata luce, & tenebris habitans, sine gaudio mœroreLux alternata.
                                        commixto, quasi heremi cultrix remanere videtur. Instruit
                                        enim alacria convivia citharœdis accitis, vt convivantes
                                        hilariores ( licet vsu durissimarum dapium ) effecti, excitentur
                                        ad saltum: quem vehementius citharœdo sonante
                                        ducentes, veterumque heroum, ac gigantum præclara gesta
                                        patrio rhythmate & carmine, quid scilicet gloriæ, laudisque
                                        virtute sua mervere, canentes, in gemitus & alta suspiria, Chorea mutatur in luctum.
hinc luctus & lachrymas, ac vlulatum resoluti, dimisso ordine in terram ruunt.
Similiter & multi astantes efficiunt, vt gestibus eorum videantur esse conformes.
Tandemque citharœdis excitantibus ad amœniora convivia surgunt, nil ampliusEpulantur excitati.
resonantes, quod provocet luctum: qui ea potissimum ratione motus est, quod
clara majorum gesta in nullis, vel paucis effectibus imitari nequeunt, vel eorum nominibusMaiorum gestaquæ.
assimilari, scilicet in virginum pudicitia defendenda, & violentia oppressorum
avertenda: vbi dolosa præsidum dissimulatione hæc impia flagitiaMelius mori quam vivere.
fiunt, vel fieri permittuntur impune. Ideoque prædictæ
gentes longe securius moriendum esse arbitrantur,
quam vivendum: puerperia luctum, funeraque
festivo cantu vt in plurimum
concelebrantes.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0227.html

Valid HTML 4.0! All our files are DRM-free