Full resolution (JPEG) - On this page / på denna sida - Liber Quintus. De gigantibus - Cap. II. De diuersitate Gigantum, & pugilum
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| OLIM in regno Helsingorum, qui nunc parent Regi Suecorum | Helsingi. |
| versus Septentrionem, gigas erat Hartbenus nomine, | Hartbenus. |
| tanta præditus magnitudine, vt novem cubitis dimensio | |
| longitudinis eius protenderetur. Habebatque XII. athletas contubernales: | Athletæ 12. |
| quorum insignis proceritas dimidio inferior | |
| videbatur. Alter quidam Starchaterus, toti Europæ | Starchaterus. |
| olim ob crebras ( vt inferius dicetur)victorias nominatissimus. | |
| Similiter & Arngrimus, ac Arverodus: de quorum | Arngrimus. |
| etiam excellentissimis gestis infra dicetur. Ne tamen | Arverodus. |
| a solis veteribus seculis exempla magnitudinis, aut fortitudinis mutuare videar, viros | |
| aliquot moderna memoria tam a mineralibus, quam aliis Suetiæ, & Gothiæ provinciis | |
| adducere congruit, tanta fortitudine præditos, vt quisque eorum in humeros | |
| sublevatum equum, vel bovem maximum, immo vas feri sexcentarum, octingentarum, | Equus portabil. |
| aut mille librarum ( quale & aliquæ puellæ levare possunt ) ad plura stadia | Puellarum vis. |
| portaret. Visus est etiam quidam equitem armatum subito obvium, non agilitate tantum, | |
| sed viribus in terram deiecisse, vel detrusisse. Quod autem de Hartbeno superius | |
| dictum est, juvat simile adducere e literis sacris, quod Og Rex Basan de | Og rex Basan. |
| stirpe Gigantum genitus, lectum ferreum habuit longitudine novem cubitorum, latitudine | Lectus ferreus 9. cubitorum. |
| vero quatuor, ad mensuram cubiti virilis manus, prout Deutero. III. habentur: | |
| cujus autoritati impudentissimum est non assentire, vti & S. August. lib. XV. | |
| de civita. Dei cap. IX. de Gigantibus loquens attestatur, longe majora corpora hominum | |
| extitisse, quam hac nostra ætate. Dicit etiam Solinus Salaminæ Euthymenis | Euthymenis fili’ triennio tribus cubitis crevit. |
| filium crevisse in triennio cubita tria sublimitate: sed incessum tardo, sensu hebeti, robusta | |
| voce, pubertate festina, morbis cito absumptum. Deinde notantur in bello | |
| Cretico, cum elata flumina impetum plusquam vi amnica invecta terras rupissent, post | |
| discessum eorundem humanum corpus repertum esse, sublimitate cubitorum XXXIII. | Humanum corpus sublime 33. cubitorum. |
| cujus spectandi cupidine L. Flaccum legatum, Metellum etiam impendio captos | |
| miraculo, quod auditum refutaverant, oculo potitos. Ex lib. de naturis rerum. In |
<< prev. page << föreg. sida << >> nästa sida >> next page >>
