Full resolution (JPEG) - On this page / på denna sida - Liber Quintus. De gigantibus - Cap. III. De sobrietate Gigantum, ac pugilum
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
| egit, vetustos continentiæ mores imitans: ac rusticioris escæ paratum appetens, cœnæ | Rusticior esca. |
| sumptuosioris impendium fastidivit. Igitur profusam dapum indulgentiam aspernatus, | |
| fumidoque, ac rancido cibo vsus, famem eo sapidius, quo simplicius pepulit, | Sapidius quo simplicius. |
| ne veræ virtutis nervos externarum delicarum contagione, tanquam adulterino | |
| quodam dulcore remitteret, aut priscæ frugalitatis normam inusitatis gulæ superstitionibus | |
| abrogaret. Cæterum indignanter ferebat assam dapem, eandemque elixam, | Assa daps vel elixa. |
| vnius cœnæ sumptibus erogari: edulium pro monstro accipiens: quod culinæ | |
| nidoribus delibutum, fartoris industria multiplicis temperamenti varietate perfricuit. | Fartor. |
| Igitur vt Danicum luxum, Teutonum ritu (vnde effœminati fierent ) introductum, | Teutonicus ritus. |
| averteret, inter alia patrio carmine, multis dimissis, sic cecinit: | |
| Fortium crudus cibus est virorum: | Carmina Starchateri de frugalitate. |
| Nec reor lautis opus esse mensis, | |
| Mens quibus belli meditantur vsum | |
| Pectore forti. | |
| Aptius barbam poteras rigentem | |
| Mordicus presso lacerare dente, | |
| Quam vorax lactis vacuare sinum | |
| Ore capaci. | |
| Fugimus lautæ vitium popinæ, | |
| Rancidis ventrem dapibus soventes. | |
| Coctiles paucis placuere succi | |
| Tempore prisco. | |
| Discus herbosi vacuus saporis, | |
| Arietum carnes dabat, & suillas. | |
| Temperans vsus nihil immodesto | |
| Polluit ausu. | |
| Lacteum qui nunc adipem ligurris, | |
| Induas mentem petimus virilem: | |
| Esto Frothonis memor, & paterni | |
| Funeris vltor. | |
| Occidet nequam, pavictumque pectus: | |
| Nec fugax fati stimulum refellet, | |
| Valle condatur licet, aut opacis | |
| Incubet antris. | |
| Vndecim quondam proceres eramus | |
| Regis Hachonis studium secuti. | |
| Hic prior Helgo Begathus resedit | |
| Ordine cœnæ: | |
| Hic famis primæ stimulum licebat | |
| Aridis pernæ natibus levare: | |
| Ventris ardorem rigidi domabat | |
| Copia crusti. | |
| Offulam nemo vapidam petebat: | |
| Quisque communes celebrabat escas: | |
| Simplici tantum stetit apparatu | |
| Cœna potentum. | |
| Vulgus externum fugiebat esum: | |
| Nec fuit summis epuli libido: | |
| Ipse Rex paruo meminit modestam | |
| Ducere vitam: | |
<< prev. page << föreg. sida << >> nästa sida >> next page >>
