- Project Runeberg -  Historia de gentibus septentrionalibus /
186

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Quintus. De gigantibus - Cap. XX. De eiusdem stratagematibus per aues

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

186        DE GIGANTIBVS


illustration placeholder

De eiusdem stratagematibus per aves.


CAP. XX.


Hadingus Danorum rex.                                         QVANTVM ad Hadingianum ingenium superius adductum,
                                        is est intellectus, quod Hadingus Danorum Rex primis
                                        adolescentiæ suæ annis felicissime deductis, omisso voluptatis
Handuanus.                                         studio, continua armorum meditatione flagrabat,
Duna vrbs.                                         sorti animo perpendens, omne vitæ tempus se spectatis militiæ
                                        operibus exigere debere. Idem Handuanum Hellesponti
                                        Regem apud Dunam vrbem invictis murorum præsidiis
                                        vallatum, moenibusque novatis resistentem, bello pertentat:
Aves domesticæ.                                         quorum fastigio oppugnationis aditum prohibente, diversi
Fungis incensis.                                         generis aves loci illius domicilijs assuetas, per aucupii peritos
prendi jussit, earumque pennis accensos igne fungos suffigi curavit: quæ
propria nidorum hospitia repetentes, vrbem incendio compleverunt: cujus extinguendi
gratia concurrentibus oppidanis, vacuas defensoribus portas reliquerunt.
Stratagema. Adortus itaque Handuanum cepit, eique redemptionis nomine corpus suum auro
Sævitia temperie frenanda. rependendi potestatem fecit. Cumque hostem tollere liceret, spiritum donare maluit:
adeo sævitiam clementia temperabat. Attamen quotiescunque postea obsidio aliqua
Aves edicto necantur. imminebat, Regio edicto omnes domesticæ aves necabantur. Meminit & Pli. lib.
X. cap. XXIIII. æque mirandam hirundinum naturam, dicens: Cecina Volaterranus
Epistola alligata pedibus hirundinis. equestris ordinis quadrigarum dominus, comprehensas in vrbem secum afferens
victoriæ nuntias amicis mittebat, in eundem nidum remeantes illico victoriæ colore.
Tradit & Fabius pictor in annalibus suis, cum obsideretur præsidium Romanum
a Ligustinis, hirundinem a pullis ad se cum epistola allatam, vt lino ad pedem
Columbæ. eius alligato nodis significaret, quoto die adveniente auxilio eruptio fieri deberet.
Præterea eodem lib. cap. XXXVII. asserit columbas in rebus magnis internuntias
Nuntius per cœlum iens. fuisse, & epistolas annexas earum pedibus obsidioni Mutinensi in castra consulum
pertulisse, D. Bruto mittente. Quid vallum, & vigilum obsidio, atque etiam retia
amne prætenta profuerint, Antonio per cœlum eunte nuntio: quomodo etiam vrinatores
Nuntii sub aquis retibus capiuntur extensis. inter Coloniam, et Nicensem civitatem a Philippo Burgundo olim obsessam,
præsidium cautelamque docendo, sub aquis ierint, qui
velit, historiam illam legat apud Crantzium &c.
Demum retibus quasi pro castoribus venandis
ingenio huic vrinatorum,
vbi & quando
opus
fuerit, obviari solet.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0272.html

Valid HTML 4.0! All our files are DRM-free