- Project Runeberg -  Historia de gentibus septentrionalibus /
198

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Quintus. De gigantibus - Cap. XXX. De bellis illustrium mulierum - Cap. XXXI. De eisdem

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

198        DE GIGANTIBUS

Arma pro amore. rigorem blanditiis anteferentes, bella pro basiis, arma pro amore, gladios pro
Tela pro fuso. deliciis elegerunt, sanguinem non oscula delibantes: manusque, quas in telas aptare
debuerant, telorum obsequiis exhibebant, vt iam non lecto, sed letho studentes,
spiculis appeterent, quos sola specie mitigare potuissent. Nec paruus earum numerus
erat, quæ se a voluptatibus abstractas, ad idem militiæ propositum promptissimas
osterebant. Neque exiguis rationibus parentes earum id fieri permittebant: vt
Pudicitia illæsa. illæsam pudicitiam ab insolentia pugilum armis defenderent, quos sceleris, & stupri
horror ab inferenda verecundia non revocaret: vtque patriam, parentes, & innocuos
malignorum violentia concuti non sinerent, quos naturæ benignitas gratissima
Sticla. munierat immunitate. Inter quas Sticla ponitur illustrissima virgo Norvegiana,
Aluilda. & Aluilda, vt superius cap. XXVII. dicebatur.
illustration placeholder

De eisdem.

CAP. XXXI.

                                        TANTARVM igitur mulierum ingenio St fortitudine,
                                        domi forisue regna & imperia augebantur, actaque insigni
                                        strenuitate tuebantur, quemadmodum temporis progressu
Strabonis opinio.                                         primæ earum soboles, & imitatrices Amazones
                                        evidentibus gestis demonstrarunt. Strabo tamen lib. XI.
                                        plurimum a fide distare existimat, quicquid de earum magnificis
                                        gestis annosa fabulatur antiquitas, eo quod nullam
                                        Rempub. ab Amazonibus sine virorum adiutorio
Ingenia fœminarum astuta.                                         constitui posse persuadet: quasi impossibile foret naturalem
                                        furorem, astutaque ingenia fœminarum, præsertim sub
Plato. rigido cœlo genitarum, militaribus disciplinis posse indurari, & acerrima conficere
bella. Sed in ea assertione, vel persuasione, longe diversus est a Platone in VII.
Dialogo de Legibus, scribente, suo tempore innumera mulierum millia circa Pontum
militasse: quibus non equorum modo, verum etiam arcuum, cæterorumque armorum
cura, exercitatioque erat. Nec longe post de militari Amazonum fortitudine
Virgilius. memoriam facit. Accedit & Virgilius II. Aeneidos inter alia de Amazonibus
loquens:
Ducit Amazonidum lunatis agmina peltis
Penthesilea furens, mediisque in millibus ardet,
Aurea subnectens exertæ cingula mammæ
Bellatrix, audetque viris concurrere virgo.
Item:

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0284.html

Valid HTML 4.0! All our files are DRM-free