- Project Runeberg -  Historia de gentibus septentrionalibus /
202

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Sextus. De Mineris & Metallis - Præfatio

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

OLAI MAGNI

GOTHI ARCHIEPISCOPI

VPSALENSIS

DE MINERIS

& Metallis.

LIBER SEXTVS.

PRÆFATIO.

                                        QVIA durum, & indomabile genus bellatorum Septentrionis,
                                        Suetiæ & Gothiæ minerales montes inhabitans, ob
                                        ingentem animi, & corporis ferocitatem, animositatem, ac
                                        etiam propter durissima exercitia, quibus implicatur, gigantibus,
                                        & pugilibus debite poterit assimilari. Ideoque
                                        eisdem gigantibus, & pugilibus in ordine rerum Aquilonarium
                                        annecti meretur, & subsequentibus ob diversa armorum
                                        genera, quibus vtraque pars vtitur, anteferri. Hacque ratione
                                        aliorum scriptorum ordine, & forma non servata, nonnihil
                                        de Mineralibus rebus inserendum erit, vnde paramenta
pro ostensione subsequentium præliorum distinctius quo fieri posset, assumantur.
Montes igitur excelsi sunt, sed pro majori parte steriles, & aridi, in
quibus fere nihil aliud pro incolarum commoditate, & conservatione gignitur,
quam inexhausta pretiosorum metallorum vbertas: qua satis opulenti, fertilesque sunt
in omnibus vitæ necessariis, forsitan & superfluis aliunde si libet conquirendis, vnanimique
robore, ac viribus, vbi vis contra hæc naturæ dona intentata fuerit, defendendis.
Acre enim genus hominum est, nullis bellorum asperitatibus, ob qualemcunque
elementorum asperitatem, aut hostiles minas, cedens, prout infra de bellis
campestribus erit ostendendum. Quam etiam feroces, & impetuosi, agmine pedestri
incedentes, hostibus imminere soleant, Dalacarli dicti, externus testis Albertus
Crantzius magna, miraque in bellis contra Reges Daniæ, præsertim Christiernum
I. ac Regem Ioannem confectis, satis integre manifestat. Immo & ipse Christiernus
Christiernus 2. Daniæ rex crudelissimus. II. qualiter viribus, & furore, Rege Gostavo anno M. D. XXI ductore illius
gentis, a regnis Suecorum & Gothorum fuerat exturbatus, per infelicem experientiam
pessimis consiliis circumventus agnoscit. Quam vero horribilis, & immanis
crudelitas eius regimine commissa sit in Septentrionalibus terris, inferius
suo loco secundum ocularem meam inspectionem verissime
ostendetur. Reservatus enim videbar ad videndum
tam horrenda spectacula
gentis meæ,
De Mineris,

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0288.html

Valid HTML 4.0! All our files are DRM-free