- Project Runeberg -  Historia de gentibus septentrionalibus /
247

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Octavus. De statu regentium et officiorum ac exercitio militari - Cap. V. De adoptione Illustrum per arma - Cap. VI. De eadem adoptionis forma

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBRO OCTAVVS        247

obligantur extranei. Et tanta in hoc actu vis est, vt prius se velint mori, quam
aliquid asperum patribus videatur infligi. Et ideo more gentium, & conditione
virili, filium te præsenti munere procreamus, vt competenter per arma nascaris, qui
bellicosus esse dignosceris. Damus quidem tibi equos, enses, clypeos, & reliqua
instrumenta bellorum: sed quæ sunt omni modis fortiora, largimur tibi nostra judicia. Instrumenta bellorum.
Summus enim inter gentes esse crederis, qui Theoderici sententia comprobaris.
Sume itaque arma mihi, tibique profutura. Ille a te devotionem petit, qui te magis
defensare disponit. Probat tuum animum, & opus non habebit obsequium. Adoptionis forma.
Adoptat te talis, de cujus gente tu potius formideris. Nota sunt enim Herulis Gothorum,
Deo juvante, solatia. Nos arma tibi dedimus. gentes autem olim virtuntum
pignora præstiterunt. Salutantes proinde gratia competenti, reliqua per illum,
atque illum legatos nostros patrio sermone mandamus, qui vobis literas nostras evidenterMandata patrio sermone fiunt.
exponant, & ad confirmandam gratiam, quæ sunt dicenda, subiungant.

De eadem adoptionis forma.


CAP. VI.

                                        ERAT præterea tam rigida apud veteres Gothorum Reges
                                        observatio in armorum experientia, vt eorum legitimiFilii legitimi.
                                        filii cum patre in publica, aut privata mensa cibum non
                                        sumerent, antequam armis idonei ab externis Principibus
                                        declararentur: quod & Pau. Diaco. lib. primo cap. XXIII. Pau. Diaco.
                                        attestatur. Dum enim Longobardi peracta victoria ad sedes
                                        proprias remeassent, Regi suo Oduin suggesserunt, vtOduin.
                                        eius filio Albuin convivia fierent, cujus virtute in prælio, Albuin.
                                        Regis Gepidarum occiso filio, victoriam cepissent, vt
qui patri in periculo, ita & in convivio comes esset. Quibus Oduin respondit: seIn periculo &poculo comes.
hoc facere minime posse, ne ritum gentis infringeret. Scitis, inquit, non esse apud
nos consuetudinem, vt Regis cum patre filius prandeat, nisi prius a Rege gentis
exttræ arma suscipiat. His Albuin a patre auditis, XL. juvenibus sumptis, TurismundumTurismundus Gepidarum rex.
Gepidarum Regem, cujus filium alias in bello occiderat, insignia armorum
petiturus accessit: quem Rex benigne suscipiens, instituto convivio adFiducia vix imitabilis.
dexteram collocavit, vbi sedere consueverat filius eius alias interemptus: quod tamen
pater revoluens, alta suspiria traxit, gravem existimans filii mutationem. Ob
quam cum Regis alter filius, & aulici telis eductis vindicare contenderent, Rex eosdem
sub dira interminatione compescuit, asserens eam victoriam esse impiam, cumVictoria impia hospitem occidere.
quis hospitem in domo propria occiderit: vnde & singulos in læta convivia redire
decrevit: sumensque arma filii sui interempti, ea Albuin tradidit, atque cum pace, &
incolumitate ad patris regnum remisit. Dehinc patris conviva factus, omnia ordine
narravit, insignemque laudem pro tanta audacia meruit: sed multo majorem TurismundusLaus pro audacia surgit.
pro constantissima fide in hospitem efferissimum observata. Est etiam recepta
hominum opinio, velut sanctio militarium virorum, vt Rex militem equestris
ordinis, id est, Equiriatus dignitatis, creare possit, qui ante suamEquiriatus dignitas.
coronationem in eo ordine assumptus non fuisset: quia sub autoritate
Regii culminis hoc includitur, velut sertumSertum roseum.
e rosis super aureum diadema.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0333.html

Valid HTML 4.0! All our files are DRM-free