- Project Runeberg -  Historia de gentibus septentrionalibus /
277

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Octavus. De statu regentium et officiorum ac exercitio militari - Cap. XXXIX. De seueritate Regis Christierni

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER OCTAVVS        277


De severitate Regis Christierni.


CAP. XXXIX.


                                        HORVM & similium, immo majorum consiliorum, ac
                                        cautelarum immemor Rex Daniæ Christiernus eius nominisChristiernus 2.
                                        secundus, qui diversis temporibus & ingeniis, procurato
                                        per quosdam Danicæ factionis in regnis Suetiæ, &
                                        Gothiæproceres, Danorum consanguineos, & affines,
                                        ( inter quos erat infelicissimus Gostavus Trolle Archiepiscopus
                                        Vpsalensis ) aditu in regna prædicta, adeo ferox, &Gostavus Trolle.
                                        severus evasit, vt nullo præstiti juramenti, aut sigillatarum
                                        literarum, aut acceptionis tremendi Dominici corporis habito
respectu, aus cujusuis commiserandæ rationis compassione, vna die, scilicetDies & annus occisionis procerum 94.
VIII. Novembris M. D. XX. diversorum ordinum principes, magnates, consules,
ac cives numero XCIIII. me vidente, ac trepidante, impio ferro, impiissimo
malignorum consilio stimulatus, detruncari juberet, atque triduo ante prætorium
vrbis Holmensis inhumata eorum corpora, donec extra civitatem comburenda deportarentur,
remanere. Profecto horrendum spectaculum, quod ipsi Christierno procul
dubio mille miseriis postmodum vexato occurreret, sic instigante crudeli consilio
ad gritiam receptos, quos perendie amicabiliter invitatos hospites ad Regale convivium
habuisset, atrocissime punivisse: idque non vsitato sæviendi modo, sed cruci
assiæum quendam Magnum Ioannis prælectum, patriæ suæ validissimum defensorem, Magnus Ioannis præfectus.
humi in terra tabulaque ligatum: vt primum pudendis, demum corde excisis,
& in vultum patientis contumeliosorum verborum insultu projectis, ad majorem
rabiem, & perpetuum horrorem actum fuisse ostenderetur. Postea eiusdem diei
insequenti nocte infelicissimæ viduæ: quarum mariti ferro consumpti ante ora bestiarumViduæ spoliantur.
in publico foro jacebant, pecunia, & omni suppellectili per insatiabiles Daniæ
præfectos spoliatæ, inconsolabiliter ingemiscebant. Certe turpissimi, & immanissimi
erant officiales illi, solo terrore Regii nominis, vel pendentis crudelitatis,
cunctos maxime innoxios, vsque pudicitiæ & omnis verecundiæ honestatem deprædantes.
Nec melior erat pupillorum, & orphanorum conditio, qui in parentibusPupillorum orphanorumque oppressio.
torquebantur, & omnibus fortunæ bonis spoliabantur. Longa, & terribilis per
me, tanquam singula lachrymose videntem, texenda foret historia, si singulas hujus
calamitatis partes enarrare vellem, quomodo videlicet divina, & humana confundebantur,
nulla promisse fidei ratio, nullus religioni respectus, omnia temeritate
sacrilega agitabantur, vbique gemitus, vbique cædes, vbique mors, nullibi concessum
effugere, vivere inter districtos gladios, & efferos homines impossibile. Servabatur Clades horrenda.
vigilantissimo custode civitas, ne quis ex eo communi omnium civium
carcere erumpat, vt regni incolis patratæ crudelitatis seriem
denuntiet: quam si libera populi multitudo subito
persensisset, nihil commissi facinoris
inultum remansisset.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0363.html

Valid HTML 4.0! All our files are DRM-free