- Project Runeberg -  Historia de gentibus septentrionalibus /
291

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Nonus. De bellis campestribus - Cap. XII. De currilibus bombardis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER NONUS        291


illustration placeholder

De currilibus bombardis.


CAP. XII.


                                        IN planis, ac campestribus locis, vbi vel excondicto, vel
                                        electione hostium, vel eventu temporum, ac occasionum
                                        exoritur præliandi facultas, incolæ terrarum vt fortius inimicum
                                        aggrediantur, vel cautius ad tempus declinent, currilibusCurrilia castra.
                                        vtuntur bombardis, quæ & currilia castra vocantur:
                                        quorum aurigæ non minus, quam vexilliferi, vel alii exercitusEqui boum corio tecti.
                                        ductores sunt armati, immo & ipsi equi indurato boum
                                        corio in collo, & tergore. Quatuor itaque hac arte periti
                                        bellatores, vel plures, exonerandis ex vtroque latere
bombardis deputati, impetum, quem fors dederit, aurigæ concurrente ingenio &
audacia, exercent in hostem, vt a fronte, vel latere discissus, equestribus armatis perfacile
non resistat. Si vero curriles directores fugere, vel obliquare cogentur, eo situ
solis curribus se collocant, ac interpositis clypeis muniunt, vt non aliter, quam robustissimaIumenta seorsum servantur.
propugnacula armatis viribus penetrari valebunt. Interea tamen jumentis retrorsum
alligatis provident, vt inimicorum sagittis, ac ictibus non lædantur, immo
potius eorum agilitate, & vsu, vt pecora a hostibus rapta resumant, incessanter attendunt. Turmæ hostiles capiuntur.
Sepeque evenit, vt hostiles turmæ armenta abacture, insidiis ftructis rapiantur,
raptæque miserabilem captivitatem incidentes, suam libertatem (si & hæc indulta fuerit )
gravi ære redimere constringantur, vel damna damnis aliorum captivorum relaxationeSolatia bellorum.
recompensare. Hæc nanque videntur vnica bellorum solatia, vt magnitudine
prædarum, aut restitutione captivorum inimicus exultet, vel nimia aviditate pereat,
vel stupida custodiendi negligentia confusus abscedat. Carri igitur ante exercitumCarri pro muris habentur.
vt muri, turresque ante civitates, & castella statuuntur, hac sola opportunitate
mirabiliores, quod sua mobilitate vel in graviora præcipitia (quod frequentius accidit )
vel in triumphum ( quod raro contingit ) efferantur in campum.
Iumenta etenim sagittis impetita, diu non permanent illæsa,
nec currus sine prædatore.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0377.html

Valid HTML 4.0! All our files are DRM-free