aliqua novitate, vel terrore moti, alium Principem adierunt, donec ad animam proprio |
domino in mortem vsque assistere non formidarunt. Non deessent hic præclarissima |
scriptorum exempla, nisi apertum esset quam excelsi nominis, ac meriti, & |
reputationis sint viri fortes, fideles, & militares, quos & justos Ambrosius vocat. | Bellatores fortes justi vocantur. |
Prudenter enim sequi solent communes casus, ac divinæ operationis effectum, vt humana |
fide commendatiores habeantur. Et hinc evenit, vt credita sibi negotia tanta |
integritate disponant, quod in admirationem cadat eorum perfecta fidelitas, quæ alias | Fidelitas perfecta. |
tam pertinax fuerat in varia contrarietate. Insuper quod infatigabili cura male |
dispersa per adulatores ( qui pluribus dominis potius illudunt, quam serviunt) sagaci | Adulatores dominis illudunt potius, quam serviunt. |
industria resarcire, augere, & conservare conantur, maxime vt ita domini coalescat |
vtilitas, quod privatæ subditorum commoditati non inferant damnum: immo |
in summa viri fideles, & fortes ( licet valde rari sint ) ad hoc laborant, quod inter |
subditos sit concors affectus, vt termini sive in censu, sive in possessionibus constituti, |
& præscripti, pro publica omnium quiete maneant inviolati. Tales etiam | Præfecti boni. |
viri fortes plurimum audaciæ habent in periculis capessendis, plurimumque consilii |
in difficultatibus evadendis, quia animus eorum nulla afflictione vinci, nec corpus |
infringi laboribus poterit, aut ærumnis: dura humo, vel silice potius ad quietem quæsita |
contenti, quam molli lecto, qui delicatulo servit. non armato. | Lectus durus. |
|
|
|
De adulatoribus aulicis. |
|
CAP. XXXIIII. |
|
LOCO superiori hujus libri rectius iste titulus inter proditores |
promeruisset speciale capitulum, quam hac retardata |
positione. Ea etenim horum artificum connexio est, vt |
vterque veluti novacula acuta, antequam sentiatur, anticipet | Novacula anticipat dolum. |
dolum: qui illico detectus ingeminat cruciatum. Tres igitur |
regiones in Septentrione sunt, continua terra conjunctæ, |
Gothia, Suetia, Norvegia: quæ licet austeritate suæ originis, |
& proprietatis nil minus, quam adulari norunt, aut | Moschi et Cimbri adulatores. |
nosse volunt, tamen ex Aquilonari Moschovia, Græca calliditate |
instructa, & ab Australi Cimbria, proprio & naturali ingenio prædita, frequentius |
provenit, vt in prædicta regna plures perveniant adulatores, & detestabiles |
adulationes: quæ pro tanto pessimæ reputantur, & virulentissimæ, quod(teste Isidoro ) |
ab amicitia relegantur, ab ipsaque veritate longe abesse dignoscuntur, & coguntur: |
eiusque rei inopia laborant magna fastigia, ac omnia possidentibus deest qui | Contentio fallentium vna. |
verum dicat. Vna enim horum est contentio, qui blandissime fallant, & quodcunque |
dixeris, fecerisue, fine discrimine laudant, & assentando extollunt, vultum fingendo, | Adulatorum vera proprietas. |
& nutum, non autem mentem, & voluntatem loquentes. Astat enim, teste |
Terentio, turba Gnatonum, Ait quis, aiunt: negat is, quoque negant. Et vt | Cameleonis natura. |
ex Plutarchi Moralibus colligitur, ii chameleonis naturæ assimilantur: is enim |
Omnem imitatur naturam, præter album. Sic adulator in turpibus nihil non imitatur, |
solum quod honestum est, imitari non potest. Vt etiam pictores illustrant |
lucida appositis vmbris, & obscuris: sic adulator laudans diversa vitia, nutrit, ac | Virus aspidum insanabile. |
fovet, quæ adsunt. Et vt aspides, quem percusserunt, torpore somnoque necant, cum |
harum virus sit omnium maxime insanabile: ita certissimam perniciem afferunt adulatores, |
qui sic inficiunt hominis animum, vt illi sensum sui adimant. Vt igitur |
pestiferum hunc morbum quis effugiat, a his adulatoribus animum ad rationem |
|