Full resolution (JPEG) - On this page / på denna sida - Liber Decimus. De bellis navalibus - Cap. I. De præliis palustribus, & ruptis pontibus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
TOTA Septentrionalis regio fere montosa, ac nemorosa | |
est(vt superioribus duobus primis libris extitit declaratum ) | |
habetque loca plurima naturaliter tam aquis, quam | Loca munita in Aquilone. |
rupibus a hostium incursibus præmunita, ita vt contra | |
equestrem, vel pedestrem exercitum paucorum manu securitatem | |
inveniat fere vbique optatam: immo & plurimæ. paludes | Paludes cœnosæ. |
ita inviæ, ac cœnosæ sunt, ac profundæ, quod vix | |
etiam in algidissima hyeme congelari videantur, vt peditem | |
sufferant leviter gradientem. Talisque inter cæteras, alioquin | Pons putridus vel ruptus. |
valde voraginosas, locus Rotabro, id est Pons ruptus, appellatus, itinere | |
horarum duarum a Regia civitate Stocholmensi prædicta distat: de qua civitate cum | Rotabro. |
remotius prædandi causa hostilis exercitus ab exernis inimicis, Germanis, vel Dacis | |
advectus in terras opulentas exire præsumpserit, illico mediis sylvis incolarum | |
congregatorum munitionibus, & sagittis retrusus, vnde exierat, revertitur, vel viribus | |
auctis incolas ipsos cedere cogit in alium, quem poterunt, locum: sicque (quod | Certamen propter pontem. |
raro accidit ) ad hunc palustrem pontem profugientes, immobiles in quocunque acerrimo | |
certamine perseverant. Rupto nanque longissimo ponte ligneo, ac stricto, vtroque | |
latere voraginoso, non est quod hostis vllam inveniat occasionem naturæ vim | |
inferendi, fortissimis viribus premunitæ. Habita sunt hoc in loco sæpius atrocissima | Bella atrocissima. |
bella diversorum Principum tempore, prout cantiones patrio rhythmate passim | |
vsque in hunc diem convivali more exhilaratis vocibus, & jubilo fieri solitæ | |
attestantur, videlicet quod arte, natura, viribus, & experientia | |
veteranorum militum, præfectorumque industria, | |
& fide, parta sit victoria, & | |
ampliter augmentata. | |
<< prev. page << föreg. sida << >> nästa sida >> next page >>