- Project Runeberg -  Historia de gentibus septentrionalibus /
334

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Decimus. De bellis navalibus - Cap. VI. De nauibus serratis - Cap. VII. De nauibus insidiosis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

334        DE BELLIS NAVALIBUS

Iugum Dei suave & hæreticoru importabile. fuerat jugum inimicorum Dei, & quam suave sit Domini, vt redeant, maneantque
in antiqua sanctitate, in qua Deo per bonam conscientiam, & toti mundo
per justum commercium mirifice placuerunt, & amodo complacebunt. Quod autem
Falces acutæ. superius videntur in lateribus navis præacutæ falces affixæ, causa est, ne hostes turmatim
insiliant, vel interrumpant ipsam navim: quæ etiam ob eam rationem antrorsum
Navis rostrata. rostrata est, & retrorsum in puppi munita. Neque in campestri exercitum invisum
est, vt acies ferreis catenis firmetur, quatenus caput aciei disiici, vel infringi non possit,
Catenæ ferreæ ante aciem elevantur. sed longo ordine ad saltum deprimi, vel obiici adversus hostilem insultum, prout
Albertus Crantzius lib. XI. Vandaliæ Bohœmos fecisse tradit.
illustration placeholder

De navibus insidiosis.

CAP. VII.

Ericus disertus.                                         CVM Ericus Disertus ( de quo infra plura dicentur) variis
                                        mirisque ingeniis Regi Danorum Frothoni Aluildam Gethari
                                        Regis Norvegiani speciosissimam filiam, sub nuptialibus
                                        pactis in conjugem procurasset, eamque in Daniam
                                        cunctorum applausu eduxisset, oritur in ipsis sponsalitiis
Irruptio hostilis orta.                                         festis & tripudiis, hostilis irruptio Sclavorum in Regem
                                        & regnum eius: quod ob effœminatissimos, & insolentes
                                        aulicorum mores ( contra quos eorum historicus Saxo ad
                                        sydera clamat, vt superius lib. IX. cap. XXXI. dictum
est )ac Regis rudem ætatem in re bellica, defensore vacuum putabatur. Verum ne
sic morerentur inulti, Ericus cum octo navigiis ad eam irruptionem coërcendam
Regia petitione inclinatus, subito se, suosque perarmat: ne virilem vnquam operam
Stratagema. detractaret, susceptum gratulanter officium fortiter exequendum curavit: qui
cum piratas septenis navibus esse cognosceret, vna tantum e suis advectus reliquas
Arbores tonsæ. ligneis propugnaculis cingi, tonsisque arborum ramalibus obduci jubet.
Deinde cum hosticæ classis numerum plenius speculaturus procederet, insequentibus
Naves frondosæ non agnoscuntur. se Sclavis, ocyus ad suos fugere cœpit. At hostes, vt insidiarum ignari,
ita fugientem comprehendere avidi, crebro, incunctatique fluctus remigio
concussere. Naves enim Erici liquido cognosci non poterant, frondentis
sylvæ


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0420.html

Valid HTML 4.0! All our files are DRM-free