- Project Runeberg -  Historia de gentibus septentrionalibus /
395

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Undecimus. De bellis glacialibus - Cap. XXXIX. De globis equorum vngulis impressis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XI.         395

De globis nivalibus equorum vngulis impressis.


CAP. XXXIX.

                                        EST præterea equestribus inimicis aliud spectaculum, seu periculum, Globi nivales sub pedibus equorum labentium.
                                        inevitabiliter formidandum, quod vngulæ equorum
                                        ferratæ, ob frigiditatem nivi connexam, accedente inferius
                                        aqua, vel desuper pruina, cito generantur nivei globi
                                        in forma pilarum, vsque ad magnitudinem capitis puerilis,
                                        & ita rotundati, ac congelati adhærent, vt impossibile
                                        sit quin eques a jumento, vel cum eo concidat occidendus, Eques cadit occidendus.
                                        vel captivandus. Non enim quartum, aut sextum
                                        saltum, ob globos niveos pedibus adhærentes, in rectum vel
obliquum efficere potest, quin illico cadet: quantoque magis calcaribus equum stimulaverit, Equus stimulatus celerius cadit.
vt currat, aut saltet, tanto velocius fatum accelerat, vt subito lapsus,
corporeque fractus expiret, vel in aliam emigret miseriam, nece forsitan deteriorem.
Talis autem globorum congelatio omnibus indifferenter vbique in campis, & viisCongelatio globorum.
hyberno tempore accidere solet, quando ventus Australis tepidiores reddit nives, vt
citius jumentorum pedibus congelentur, & corruat eques. Qui vero pro defensione
patriæ militant, in ipso certaminis aggressu equos ferramentis sub pedibus totaliterEqui non sufferrati tutiores.
denudant, vt niveis globis non adhærentibus expeditius irruant in hostem: qui
hac commoditate, ac securitate non audet vti, quia refugium non habent, quemadmodum
incolæ regni locum habent, & amicos. Neque minus periculum hostibus
eisdem imminet, quando vallium montiumque latera lubricis glaciebus, veluti speculum
micantibus, circumfusa ascendere, aut descendere constringuntur, quin adhuc
majorem collisionem incurrent, quando præcipue glacies hujusmodi cooperiturPericulum sub glacie.
tenuissima nive, vel ipsa vi ventorum coacta, fauces, & præcipitia claudit, voraginesque,
& specus profundas veluti campestrem planitiem coæquat: in quam
Teutones, & Dani, vel Moschovitæ locorum ignari, præcipiti cursu illapsi, pari
calamitate ac nobilitate confœderantur: immo & quam plurimi milites bellicosissimi, Milites fortissimi naturæ imperio superant.
qui cædibus, & flammis alibi concusserunt orbem, ibidem in nivibus facilime
conficiuntur. Adeo cœli rigore, & elementorum asperitate, fine indigenarum formidoloso
pavore ab armis vlterius inferendis arcentur. Est & alia inimicorum
ruina in densissimis sylvis imminens, vbi casu niviumRuina inimicorum.
a ramis arborum magna mose elabentium, in se, &
jumentis infestantur, prout superius dictum
est, de exigua nivium mole
passerculo ab alto monte
mota: quæ opprimit augmento suo suppositam
civitatem, aut villam.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0481.html

Valid HTML 4.0! All our files are DRM-free