- Project Runeberg -  Historia de gentibus septentrionalibus /
408

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Duodecimus. De structuris aquilonaribus - Cap. I. De muratoribus, ac varietate, & forma saxorum

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

408        DE STRVCTV. AQVILO.


illustration placeholder

De muratoribus, ac varietate, & forma saxorum.


CAP. I.

                                        MVRATORES quidem sunt fideles, & ingeniosi pro
                                        conditione fortissime gentis, hoc est, quod densos ob infinitam
                                        materialium abundantiam, quasi in omni opere construunt
                                        muros: maiori tamen fortitudine, vt infra dicetur,
                                        quam pulchritudine, contra quemuis impetum corroborantes.
                                        Sed nec excellentissimi artifices desunt, tam indigenæ quam
                                        alienigenæ: qui ob ingentem mercedem eo aliunde proficiscuntur,
Artifices periti.                                         quique vtrique & firmitati, & decori satisfacere norunt,
                                        & possunt. Nam præter eorum manualem artem, reperiuntur
Lapides naturaliter apti. in plerisque montibus Septentrionalium provinciarum lapideæ moles, ita a natura
in diversitate figurarum, præcipue quadratarum, & oblongarum formatæ, vt vix
aliquid præter politum splendorem ad ornatum pulchriorem eisdem superaddi possit,
Mons Amabergprout apparet in vasto quodam monte Amaberg dicto, non procul ab insigni
Monasterium Vastenense. monasterio Vastenensi, per illustrissimam mulierem S. Birgittam ( cujus corpus in
celeberrima memoria, & filiæ eius beatæ Catharinæ primæ Abbatissæ, ibidem requiescentis,
Aluastra monasterium. habetur) ædificato, immo & alio quodam cœnobio divi Benedicti, Aluastra
appellato: vbi lapides varii coloriis, præsertim atri, ad quævis ædificia incolarum
Saxa gratis extrahuntur. gratis extrahuntur, ac ratibus, seu promonibus deportati, in pulcherrimum & commodissimum
vsum a fundamentis fenestrarum interpositione ad culmina tectorum rediguntur,
Certamen artis & naturæ. hoc opinabili relicto iudicio, quod vel natura artem, vel ars ipsa naturam
superare videatur. Dixi gratis, quia nec pretio, nec precibus emitur a possessoribus
loci, ob inexhaustam huiusmodi saxorum abundantiam, vt deputentur ad
Mons vt vasta civitas apparet. publicam, & privatam vtilitatem. Nec mons ille, omni amœnitate plenissimus,
latus & sublimis, a longe navigantibus aliter, quam civitas aliqua turrita mœnibusque
cincta, apparet. Extant hodie plura ædificia prædicti cœnobii Aluastra, atque
civitatis Lincopensis, eius generis saxorum vetusto tempore, quadrato opere satis
polita, sicut & alibi fabricata. Sunt præterea alii montes Ostrogothorum versus
Lapides hexagoni. Orientaliora littora maris Gothici, lucidos lapides adamantinæ speciei forma
hexagoni, instar crystallorum, longo ordine hincinde producentes: e quibus (si

<< prev. page << föreg. sida <<     >> nästa sida >> next page >>


Project Runeberg, Mon Dec 11 13:21:44 2023 (aronsson) (diff) (history) (download) << Previous Next >>
https://runeberg.org/olmagnus/0494.html

Valid HTML 4.0! All our files are DRM-free