- Project Runeberg -  Historia de gentibus septentrionalibus /
427

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber Duodecimus. De structuris aquilonaribus - Cap. XXII. De fidelibus amicis tempore incendii probandis - Cap. XXIII. De naufragantibus, & naufragiis restituendis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XII.         427


illustration placeholder

De fidelibus amicis tempore incendii probandis.


CAP. XXII.

                                        MVLTIS tamen prosunt fideles amici, qui subita præsentiaAmici fideles.
                                        tam homines, quam thesauros, ac quicquid pretiosum
                                        fuerit, congregantes, ad omnimodam resiitutionem
                                        servant, eaque omnia præter spem patronis salvata consignant.
                                        Sed neque negandum erit, quin rapaces, & furtivæManus furtivæ adsunt.
                                        manus adsunt, quæ occasione quæsita, & inventa, magnam
                                        partem diripiunt, & exportant: quos ideo recenter
                                        apprehensos, velut incendiarios non fortuitos, ignibus
                                        cremandos immittunt. Veruntamen subortis flammis, Campanæ pulsat omnes excitant ad extinctionem ignis.
mox signo sonoque prætorianæ campanæ, & si fortius vrset. majoris Ecclesiæ, cuncti
excitati, ad incendia restinguenda harpaginibus, atque coriariis vrnis arreptis, celerrime
accurrunt. Statuto enim vrbico quisque civi s X. vel XX. XXX. aut amplius
ad eum vsu reservat vrnas: quia ab alto effusa aqua, illæsæ jactantur, & subitoVrnæ coriariæ.
repletæ redduntur. Mos erat fratribus religiosis, viris satis valentibus, primumHarpagines.
præ omnibus cæteris ( quia vigiles sunt) ad reprimendum ignium incrementum concurrere, Fratres diversorum ordinum extinguunt incendia.
& sese extremis periculis alacriter pro civibus, quorum eleemosynis viverent,
exponere, vbi reliqui inspectores quasi otiosi astabant. Sed nunc vnius perditissimi
fratris apostatæ Lutheri, tantum vbique incendium excitantum est, vt nec monachi, Incendium Lutheri apostatæ.
nec fratres vniversi, vel cives, vel magistratus, Duces, Reges, aut Imperatores,
aut Summi pontifices totaliter illud ipsum extinguere possunt. Adeo voluptuosum
est miseris apostatæ sequacibus, ardenti rebellione ruere in ignes & flammas,
quibus comburentur peccatores: quorum etiam conscientiæ vermis non extingueturVermis consciæ.
in sempiternum
illustration placeholder

De naufragantibus, & naufragiis restituendis.

CAP. XXIII.

                                        SED nec minor cura adhibenda est in naufragantibus consolandis,
                                        aut eorum bonis restituendis, omni jure, æquitate,
                                        & pietate id suadente, ac legum veneranda potestateNaufragis bona sua restituenda.
                                        sanciente. Dicit enim Iureconsultus I. qui levandæ. ff.
                                        ad I. Rho. de iact. Qui levandæ navis gratia res aliquas
                                        projiciunt, non hanc mentem habent, vt eas pro derelicto
                                        habeant: quippe si invenerint eas ablaturos, & si suspicati
                                        fuerint, in quem locum jactæ sunt, requisituros: vt perinde
                                        sit, ac si quis onere pressus in viam rem abiecerit, mox cum
aliis reversurus, vt eandem auserat. Præterea paragr. fi. Insti. de re. di. Alia saneRes in via abjectæ domini permanent.
causa est earum rerum, quæ in tempestate maris, levandæ navis causa eiiciuntur. Hæc
enim dominorum permanent: quia palam est, eas non eo animo eiici, quod quis
eas habere nollet: sed quo magis cum ipsa navi maris periculum effugiat. ConstatNavis levandæ ca abjecta restitui debent.
ergo eos Principes in Aquilonaribus regnis, ne dicam latius per orbem, nimis impie
miseros naufragos, non solum ademptione bonorum affligere, verum aliquando
etiam, vt eorum bonis potiantur, vita privare. Quo autem illud celerius
& opportunius admittant, speculas, seu limites, signave littoralia, ad omneSigna littoralia iniquissime auferuntur.
naufragium evitandum posita, abscindi, destrui, & auferri procurant. Nec tantum
ingemiscendum est, multis retroactis temporibus hæc nequissima lucra talibus ingeniis

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0513.html

Valid HTML 4.0! All our files are DRM-free