- Project Runeberg -  Historia de gentibus septentrionalibus /
439

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIII. De agricultura et humano victu - Cap. XI. De varietate molendinorum

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XIII.         439


illustration placeholder

De varietate molendinorum.


CAP. XI.

                                        MVLTIPLICI præterea genere molendinorum vtunturGenera diversa molendinorum.
                                        incolæ Aquilonares, videlicet variabili vi ventorum,
                                        decurrentium aquarum, equestrium rotarum ductum, manuum
                                        pedumque quasi trusatilium attractu & impulsu, rotarumque
                                        pondere & mensura, more grandium horologiorum,
                                        quæ elevatione depressioneque variata, motum continuant,
                                        & laborem. Quæ autem ventis agitantur, solitoMolendina ventorum.
                                        more situ sublimiore in collibus camporum, aut littoribus
                                        maris collocata, aut in planitie inter vastos montes, frequentissimis
spiraculis e montium cavernis ob vehementes exhalationes suscitatis,
revoluuntur. Quædam super fossas infra maris aggeres, vt vi ventorum aquas tempestatibus
infusas, super adaptata canalia elevent, & in mare refundant, in maximo
numero & ordine collocantur. Taliumque molendinorum vsus nulibi frequentior, Molendina Hollandica.
quam in Hollandia prope insigne emporium Amstelredamense reperitur, eo
quod ventus Circius longissimo Oceani tractu vehementi impetu perflans, aquas &Naves super aggeres efferuntur.
naves super altos aggeres in fossas immergit. Aquas quidem vi molarum (vt dictum
est ) exhaustas, in mare remittunt: sed naves minutim fractas, ad alios vsus exportant.
Hæc vrbs Amstelredamensis, nisi tam horribili maris inundatione in tremuloMagnificentia stucturarum Hollandicarum.
fundo quateretur, tam magnifica templa, & palatia, ac ædes, ob innatam populi
magnanimitatem, sumptuose construeret, vt vix pares Europa teneret. Solida tamen
vis legum exercetur in hoc loco, vt etiam Reges potentissimi impune
non præsumant eas in aliquo casu violare. Et hæc sufficiant
incidenter e multis laudibus eius parce
aliquid tetigisse.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0525.html

Valid HTML 4.0! All our files are DRM-free