- Project Runeberg -  Historia de gentibus septentrionalibus /
440

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIII. De agricultura et humano victu - Cap. XII. De eodem

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

440        DE HVMANO VICTV

De eodem.


CAP. XII.

Molendina contrario flumine versantur.                                         IGITVR molendina impetu fluminum ducta, vario modo,
                                        forma, situ, & agilitate sunt constructa. Situ, scilicet in
                                        aquis fluentibus, & refluentibus, vt in æstu maris antrorsum
Holmia.                                         retrorsumque, vel vi ventorum in plerisque fretis, præcipue
                                        in vrbe Regia Suetiæ Stocholmensi, intueri licebit. Modo,
                                        vt alia desuper, alia subtus aquæductu, vel naturali
                                        flumine impelluntur. Forma, latis scilicet stipitibus, vnico
                                        vel gemino ordine radiorum, late vel stricte, longis vel
Molendina equestria.                                         brevibus canalibus ad velocissimum cursum. Equestrium
rotarum ductu in arcibus principum, & certis ædibus magnarum civitatum, pro necessitate
obsidionis tolerandæ, sumptuosa mose fabricantur: & hoc eo artificiosius, ac
Molæ manuales, pedales, & trusatiles. durabilius fieri videtur, quo hostilibus ingeniis naturales aquæ in scaturigine auferuntur.
Manuales etiam molæ, ac pedales, sive trusatiles, vbique frequentissimæ in
Septentrione, tanquam celeriora levandæ necessitatis remedia, maxime in obsidione
Molæ rotatæ. reperiuntur. Sunt & rotæ impulsu pedum vsu mirabili cum ponderibus, celeriorem
habentes motum, in arcibus constructæ: sed hujusmodi molæ oculis subjectæ,
Certamem primum hostile de molis auferendis. apertiorem fidem exhibent, quam scripturæ. Pro molis autem, seu molendinis
defendendis, prima solet esse cura in obsidionibus obfirmandis, & aquæductibus,
atque secretis venis, ne auferantur. Nec exemplo caret, quale remedium Belisarius
in Tyberi molis multiplicatis statuit, in obsessa Vrbe per Gothos, licet Cassiodorus
Magnitudo romana cognoscitur multitudine molendinorum. XII. lib. dicat, Romanam magnitudinem cognoscendam fore ex vniversitate
molarum, quam specialiter contributam constat ad victum. Hoc enim instrumentum
(vt idem inquit ) nisi fuerit vsuale, necessarium non habetur,
quoniam nec ornatui potest proficere, nec parti alii convenire.
Refert Munsterus, diebus VII. in Papia centum
millia hominum caruisse pane, ob molarum
destructionem, donec
manuales restaurarentur.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0526.html

Valid HTML 4.0! All our files are DRM-free