- Project Runeberg -  Historia de gentibus septentrionalibus /
456

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIII. De agricultura et humano victu - Cap. XXXIIII. De indiscreta familiaritate Principum erga contubernales, aut seruos

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

456        DE HVMANO VICTV

De indiscreta familiaritate Principum erga contubernales,

aut servos.


CAP. XXXIIII.

                                        OCCVRRIT deinde alius ea sus, justiori forsitan censura
                                        ridendus, ac damnandus. Gothi in primæva patria
Fliolmus rex.                                         Regem habebant, Fliolmum nomine: cujus virtutes paucæ,
Virtutes paucæ, vitia multa.                                         vitia vero multa numerabantur: inter quæ primum locum
                                        habuit nimia familiaritas apud suos servos: propter
Familiaritas nimia.                                         quam Augustus Cæsar Iulium avunculum, teste Eutropio,
                                        acriter arguebat, quod milites, commilitones novo blandoque
                                        more appellasset: quando enim affectabat charior fieri,
                                        autoritatem Principis emollivit. Fliolmus vero milites
Combibulones. suos indulgentius, quam prudentius tractans, non solum commilitones, sed combibulones
Saturnalia festa. suos effecit, quotidianoque convictu ad exemplum Saturnalium festorum
( quæ servos dominis in mensa coæquans) vna cum eis comedere, & in longam
noctem potare, vtile honestumque putavit: quod nimirum sub termino vitæ suæ expertus
est, vt honestate vacuum, ita neque vllam vtilitatem afferre potuisse. Cum enim
solito, & turpi more noctem cum eis potando deduceret, ab ipsis ebrietate suffusis,
in ingens dolium cereali liquore repletum, quod pro explenda bibacium gula, aulæ
Rex suffocatus interiit. in medio collocatum erat, per ludibrium præcipitatus interiit, relicto ad posteros
Principes exemplo, ac documento, quod quamvis fideles servi diligendi, juvandi,
promovendique sint: attamen a nimia familiaritate, quæ contemptum parit )prudentius
cœrcendi: ne vetus proverbium, Ne quid nimis, frustra scriptum videatur.
Quocirca Reges & Principes attendant, ne vlli se tam familiares vnquam præbeant,
quin possint, si opus fuerit, est sine periculo adhibita ratione succenfere, aut sine
rerum mutatione, sua securitate gaudere: immo cum amicis, & familiaribus
ita versandum fore, vt cogitemus eosdem aliquando inimicos
nobis fieri posse. Præterea attendenda
sententia est,
Nulli te facias nimis sodalem,
Gaudebis minus & minus dolebis.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0542.html

Valid HTML 4.0! All our files are DRM-free