- Project Runeberg -  Historia de gentibus septentrionalibus /
505

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XV. De diuersis hominum exercitiis - Cap. X. De Maialibus festis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XV.         505


illustration placeholder

De Maialibus festis.


CAP. X.

                                        DEMVM omnibus tam sylvis, quam pratis, & campis virescentibus,
                                        & florescentibus, sole per Cancrum transeunte,
                                        hoc est in Vigilia Natalitii ortus divi Ioannis Baptistæ, Aestas media die S. Io. Baptistæ.
                                        (quem diem miris festivitatibus servabat antiquitas, celebrique
                                        cultu posteris servandum docuit, & præcepit ) populus
                                        omnis vtriusque sexus & ætatis, turmatim in publicis
                                        plateis vrbium, aut planitie camporum, vbique copiosis
                                        accensis ignibus, pro choreis tripudiisque exercendis,
                                        concurrere solitus, vetustorum heroum domi, forisque magnifica
gesta vbilibet in orbe peracta, saltando decantat: etiam quid illustriores fœminæCantilenæ heroum canuntur.
pro æternis assequendis laudibus, amore servandæ pudicitiæ perfecerunt. Præterea
quid degeneres, ignavique nobiles, crudeles tyranni, & turpes fœminæ exclusaTyranni crudeles.
honestate fecerunt, patriis cantionibus, & rhythmis sonantibus citharis, ac
tibiis alternatim adductis, exoluunt. Insuper puellæ matrum doctrina præmonitæ,
quot quantaque mariti vitia, in lusibus alearum, rixa tabernarum, luxum vestium, Vitia maritorum.
societate scurrarum, & continua ebrietate, & crapula exerceant, psallendo resoluunt.
Sed rursus ingeniosiores adolescentuli concinere norunt, quam pigerrimæ, fallaces,
indomitæ, rixosæ, garrulæ, nugaces, & infidæ sunt mulieres, ne sola querela maritosVitia mulierum.
sugillent. Deinde quid perfidi cives, versuti artifices, vagi negotiatores, stertentes
nautæ, rusticique infideles, & astutissimi proditores, ac blandiloqui adulatores, Vitia communia.
& avari, crudelesque terrarum præfecti efficiunt, varietate cantionum, & musicis instrumentis
exponunt: ea potissimum ratione permoti, vt tenera juventus
agnoscat, quam excelsa, ac splendida virtus sit, æternisqueVirtus splendida.
laudibus digna, bonorum inhærere vestigiis, & ab
pessimis resilire, ac præcavere exemplis.

<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0591.html

Valid HTML 4.0! All our files are DRM-free