Full resolution (JPEG) - On this page / på denna sida - Liber XV. De diuersis hominum exercitiis - Cap. XXV. De chorea hormica
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| SALTATIONEM, seu choream similem a vetustissimo | |
| instituto servarunt, servandamque docuerunt antiqui: in | |
| qua adolescens ductor erat armatus, militarem exercens | Ductor choreæ armatus. |
| peritiam, qua postea in invadendis hostibus vti posset. | |
| Sequebatur virgo modestia quandam insignis, quæ fœmineum | |
| saltum decenter agebat: quæ quidem chorea tunc, & | |
| nunc permissa, non dissimilis est illi, quam invenit Lycurgus, | Chorea Lycurgi temperantia & fortitudine exercetur. |
| & Lucianus Hormum vocavit: voluitque ipsum e duabus | |
| virtutibus, temperantia videlicet, & fortitudine constitui. | |
| Creditur mos ille olim e Græcis in Septentrionales regiones translatus. Prisco | |
| enim seculo Gothi ethnici Græcis viciniores, sacerdotium & vivendi disciplinam | Doctrina catholica a Latio petitur. |
| ab eis, non secus ac nostra secula a Latio Christianam doctrinam, acceptam didicerunt. | |
| Ita virtus temperantiæ, moderationis gratia, honesti cura, decoris consyderatio | |
| quæritur, & spectatur: cujus fundamentum est verecundia, & mentis placiditas proteruiam | Verecundia. |
| fugitans, sobrietatem diligens, honestatem fovens, & omne decorum inducens, | |
| vt probatissimorum senum præeligantur tutiora consilia, licet adolescentium | Consilia senum tutiora, juvenum vero dulciora. |
| videantur esse dulciora. Vti etenim solertium, expertorumque judicio ignota loca | |
| penetrantur securius: ita ignavorum ductu arripiuntur infestius. Quærendum nanque | |
| est in omni actu, quid personis, temporibus, & ætatibus conveniat, & singulorum | Circumstantiæ temporum, locorum, et hominum. |
| ingeniis accommodum sit. Sæpe enim quod alterum decet, alterum non | |
| decet: aliud juveni aptum, aliud in prosperis, | |
| & aliud in adversis. | |
<< prev. page << föreg. sida << >> nästa sida >> next page >>
