- Project Runeberg -  Historia de gentibus septentrionalibus /
567

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XVI. De ecclesiasticis disciplinis - Cap. XLVIII. De qualitate sepulchrorum, & testimonio transactæ vitæ - Cap. XLIX. De quibusdam optimis Principibus, sub ditorum humeris ad sepulchra Regum deportatis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XVI.         567


illustration placeholder

De qualitate sepulchrorum, & testimonio transactæ vitæ.

CAP. XLVIII.

                                        PROVIDENDVM tamen erit Principibus, ac nobilibus
                                        funebri pompa ad tumulum efferendis, vt potius pro
                                        justitia, clementia, & liberalitate vniversali planctu, &Planctus pius.
                                        assiduis precibus perpetue victuri commendentur Deo:
                                        quam pro sævitia, rapina, & crudelitate, æternis suppliciis
                                        corripiendi, omnium execratione offerantur divinæ vltioni.
                                        Nec vana ostentatione glorientur in excellentibusSepulchra tyrannorum abominabilia.
                                        præparatis, aut præparandis sepulturis: quia vitæ præcedentis
                                        acta, spoliorum & tyrannidis testimonia sunt, non autem
virtutis, aut probitatis in quolibet heroico viro requisitæ. Dicent quidem
prætereuntes, qui dolosis artibus sepultorum lucrati sunt opulentias pretiosas,
quod magnifica, sumptuosaque sit hæc stuctura: sed rursus alios attestari audient,
hanc cum injuria pauperum, & mille innocentum oppressionibus fuisse, & esse elaboratam:
ac non multo inde tempore vel hostili furore, vel temporum edacitate videbiturTestimonium scriptorum durabile.
defectura: vbi evidentibus doctorum hominum scripturis, quam commoda,
vel perniciosa vita ibidem sepultorum fuerat, perpetuo exemplo ostendetur.
Frustra quidem putat se quispiam sui nommis memoriam beneficio pretiosi lapidis, Sepulturæ inanes quæ sunt.
aut stucturæ marmoreæ propagaturum. si nihil in vita, gloria, honore, & memoratu
dignum gessit, aut scripsit. Sunt etiam plerique non improvidi judicii Reges & Principes:
qui cum gloriose regnaverint, solent posteris suis hanc curam: relinquere sepulchrorumOpus pietatis.
condendorum, qui jure naturæ eiusmodi pietatis officia præstare teneantur. Laus perpetua posteritatis.
Satis enim eis, dum vixerint, suffecisse videtur, ea egisse, quæ secundum virtutem
sunt, & perpetuam posteritatis laudem meruerunt. Nec incongrue huic loco annectiSalahadin’ Rex Orientis.
possit, quomodo anno Domini M. C. XCIII. referente Vincentio in spe.
hist. lib. XXIX. cap. LIIII. Salahadinus moriturus, vocato vexillifero dixit: Vexillum mortis.
Tu, qui soles ferre vexilla mea per bella, fer vexillum mortis meæ, scilicet panniculumDamascus.
vilem per totam Damascum super lancea, clamitando: Ecce Rex OrientisPallium vile de toto imperio.
moriens non fert secum nisi hoc pallium vile. Et sic mortuus est.

De quibusdam optimis Principibus, subditorum

humeris ad sepulchra Regum deportatis.

CAP. XLIX.

                                        ACCIDIT præterea nonnunquam, vt Principes non culpaCulpa populi principes boni auferuntur.
                                        sua, sed populorum ( quorum magis, vt diutius viverent,
                                        intererat ) ab æterno judice immatura morte rapiantur.
                                        Illoque casu eo luctuosior eorum æstimantur interitus, Mors luctuosior quando.
                                        quo floridiori ætate, & acriori imminente prælio corripi videantur.
                                        Talique modo, vt vita eorum visa est benignior,
                                        ac æquior: ita & majoribus obsequiis, & longioribus terrarumPrincipes boni portantur ad sepulchra.
                                        spatiis eorum funera ad Regias sepulturas, seu monummenta,
                                        in humeris clarorum hominum, certatim e diversis


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0653.html

Valid HTML 4.0! All our files are DRM-free