- Project Runeberg -  Historia de gentibus septentrionalibus /
593

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XVII. De animalibus domesticis - Cap. XXIII. De Hircis, & Capris - Cap. XXIIII. De Suibus, & Porcellis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XVII.         593

austeri sunt, non tamen bestias has ad aborsum fœtus constringunt. Vis enim frigorisFrigora tolerant animalia aquilonaria.
tolerandi major est in animalibus Septentrionis, quam reliquis mundi oris.
Quod autem superius cernitur anguis ante pedes hirci, signum est, hircos, caprasque
ibidem persequi serpentes: qui alias incolis damna facturi, nimium multiplicarentur.
illustration placeholder

De Suibus, & Porcellis.

CAP. XXIIII.

                                        SVES, etsi cunctis hominibus in corpore, & natura non
                                        ignoti sunt, tamen quia a propitio numine ad solam hominumSues divinitus concessi.
                                        vtilitatem, & levandum domesticum cibum concessi
                                        sunt, omnimoda gratitudine ab omnibus ( exceptis
                                        Aegyptiis, & Iudæis eos execrantibus ) acceptantur: licet
                                        nullum alium vsum hominibus præstare possunt, sicuti cæteræ
                                        animantes, quæ vel in cultibus agrorum adjuvant, vel
                                        plaustra collo trahunt, vel onera tergo gestant, vel indumenta
                                        exuviis suis exhibent, vel copia lactis exuberant,
vel custodiendis domibus invigilant. Populis tamen Aquilonaribus mos est, novæ
nuptae plebeiæ conditionis, pro initiandis augendisque armentis, & domestica supellectile, Donationes pro novis nuptis, & maritis.
liberaliter donare porcam, ovem, & vaccam, atque marito equinos pullos,
canem, selem, & anserem. Varro gravis autor lib. II. cap. IIII. asserit a natura
hominibus ad epulandum solummodo datum esse suem. A suillo quoque pecore
immolandi initium sumptum esse veteres affirmant: & proinde in fœderibusPorcus pro fœdere mactatus.
faciundis porcus occidebatur: qui nostris temporibus longe securius, & honestius
pro pace firmanda ( salvo Christianorum bono ritu) mactaretur, quam tot myriadesMyriades hominum nunc occiduntur.
hominum pro minima telluris angustia, tam impacabili odio trucidarentur. Atque
ob id vel facete, vel seriose dictum Cæsaris Augusti attendendum erit, quo tempore
Herodes Iudæorum Rex CHRISTO omnipotentis Dei filio nuper nato mortem
meditaretur. Nam cum audivisset inter pueros, quos in Syria Herodes intraPorcus ratione melius habet, quam filius regis Iudææ.
bimatum jussisset interimi, filium quoque eius occisum ait: Melius arbitror, Herodis
porcum esse, quam filium. Et hoc e Latinis scribit Macrobius II. lib. Saturna.
cap. X. Sed nec Plinii doctrina lib. VIII. cap. LI. negligenda est: qua dicit,


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0679.html

Valid HTML 4.0! All our files are DRM-free