- Project Runeberg -  Historia de gentibus septentrionalibus /
603

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XVIII. De animalibus sylvestribus - Cap. IIII. De Ceruis, & Damulis

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

LIBER XVIII.        603


illustration placeholder

De Cervis, & Damulis.

CAP. IIII.

                                        LICET in Septentrionalibus terris plus, quam in alia orbis
                                        vlla regione, videntur asperrima frigora prædominari: Frigora aquiloni asperrima.
                                        tamen innumerabilis ibidem etiam ignoti generis animalium
                                        multitudo reperitur, vt partim dictum est, atque peramplius
                                        ostendetur. Inter quæ ad esum humanum prædicti
                                        onagri, & hic dicendi cervi, damulæ, atque capreoli,
                                        nobiliorem sortiti sunt æstimationem: & ob id eorum venatio
                                        solis nobilibus, atque eorum officialibus, & privilegiatisVenationes nobilium et exemptorum.
                                        regnicolis, vt sunt hospitum receptores, & Ecclesiarum
præsides, antiqua lege reperitur admissa: atque etiam ne aviditate venatorum
(quorum maximus ibi numerus est) solitudines evacuentur in sobolis propagatione.
Cornibus tamen in nemoribus, tanquam pignore futuræ prædæ relictis, vtunturCornua cedunt occupanti.
occupatores: licet non facilius sit ea invenire, quam cervas prospicere parturientes,
aut onagrum liberum in terta salsuginis rugientem. Singulis annis cervosCerva paritura non videtur.
cornua veris tempore amittere Pli. lib. VIII. cap. XXXII. opinatur, & nova
reparare. Sed interim quasi mutili & inermes, locis abditis solivagi latent.
Cervorum venatio facilis est, quia inermes, & timidi, nullum habentes præsidium, Venatio cervorum facilis.
nisi in celeritate fugæ. Proinde filios saltu, & cursu edocent, vt fugere possint. Mares
cervi cornibus inter arborum ramos manentibus, venatoribus cedunt. Sunt etiam
cervi simplices admodum, vt nonnunquam viso venatore stupeant, & omnia admirentur, Cervi simplices stupent.
viatoresque eminus sequantur. Sæpe etiam vi canum vrgente, ad hominem
confugiunt. Mulcentur etiam cantu puerorum, sed magis pastorali fistula delectantur: Cervi mulcentur fistula.
& præcipue virginum, quibus jacentes se attrectari permittunt, & hinnuli, ac
damulæ illas sequuntur blandioribus sonis allecti. Cervi fugiunt audito canum latratu,
quem fallunt sequentes ventum. Erigunt aures, & acute audiunt, deprimentes
obtusi fiunt. Dictami Cretensis herbæ vsu venenatas sagittas eiicientes, vulneraDictami virtus.
propria sanant, centum annis viventes. Præda venatione capta, nobilior est: insidiis, Præda nobilior quæ est?
fastidiosa putatur. Cervinæ carnes esæ, sebres arcent, vt in aliquot illustribus
fœminis actum esse Plinius lib. VIII. cap. XXXII. testatur.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0689.html

Valid HTML 4.0! All our files are DRM-free