- Project Runeberg -  Historia de gentibus septentrionalibus /
635

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XVIII. De animalibus sylvestribus - Cap. XXXVIII. De diuersa natura carnium, pellium, & vtilitate bestiarum

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)



LIBER XVIII.        635


illustration placeholder

De diversa natura carnium, pellium, & vtilitatem bestiarum.

CAP. XXXVIII.

                                        SOLÆ carnes vulpium, & luporum damnantur: quiaCarnes immundæ.
                                        eorum natura immunda est, & pluribus morbis subjecta,
                                        præsertim rabiei. Sed vulpes resina, sive lachrymis
                                        pini esis, morbos omnes expeliit, vitamque prolongat.
                                        Vnde & Ambrosius dicit: Vulpes est animal odio dignumVulpes.
                                        propter rapinam, despectum propter infirmitatem,
                                        incautum suæ salutis, dum insidiatur alienis. Sed
                                        resina sibi medetur: & tali remedio mortis imminentis
                                        spatia profert. Plinius lib. VIII. asserit quomodo in
Thracia vulpes locis rigentibus ( animal alioqui soletti auditu ) gelatos amnes, lacusque,
non nisi ad pastus ituræ, redituræque transeunt. Itaque observatum est, vulpem
aure ad glaciem posita conjectare gelu crassitudinem. Verum hæc naturalisConjectura vulpium de glacie.
conjectura in Aquilonaribus congelatis aquis, nunquam aut raro succurreret illi,
cum glacies adeo spissa fortissimo superveniente gelu, etiam repentino constringitur,
atque casu nivium condensatur, vt prius fame conficeretur, quam fractæ, vel
frangendæ glaciei quærendo cognosceret signum. Adhæc volubilitate pedum, &Vulpes volubilis in cursu.
tortuoso gressu, atque cursu, fraudibus æque ac escis intenta, agilitate canum facilime
circumvenitur, præsertim vulpes nigri, rubei, ac cœlestini coloris: nam coloribus
produntur, dum candidæ vulpes, aut lepores nivibus colore conformes, ab
canibus non videntur. Ita pavidis bestiis mitigato remedio benigna natura succurrit.
Aestate autem alio modo capiuntur. Nam etsi subterraneas specus, foveatque
alieno labore paratas occupant, vt superius cap. XXII. de taxis habetur:
tamen rapina hac sæpissime periclitantur. Venatores enim, vbi eas delitescere norunt, Venatio vulpium.
canes industria assuetos, seu exercitatos, ad foveæ summitatem immittunt,
vt latratu prodant inibi bestias latitantes. Itaque sine mora egesta terra vivæ, vel
mortuæ capiuntur. Vel etiam campestres foveas faciunt, quibus cadavera immittunt,
funiculis & trabibus alligata, vt insidioso pastu bestias comprimant comedentes.
Vel etiam validos arcus forti chorda extensos, sub cadavere in nivibus
ponunt, tenuique filo confirmant, vt eo leviter soluto, illico capite, vel pede, vel
alio membro quod occurrerit, rapiatur in prædam. Verum cadaveribus
illis longe lateque tortuosa vestigia, velut aratro, nivibus imprimunt,
vt deducantur ad insidiosam escam. Et is
frequentior modus est sub fortissimo gelu.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0721.html

Valid HTML 4.0! All our files are DRM-free