- Project Runeberg -  Historia de gentibus septentrionalibus /
651

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIX. De avibus - Cap. VI. De Aquilarum natura, & differentia earundem

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)



LIBER XIX.        651


illustration placeholder

De Aquilarum natura, & differentia earundem.

CAP. VI.

                                        AQVILAM avem nobilem & rapacem, ab acumine visus, Aquila ab acummine visus dicta.
                                        teste Isidoro, sic dictam, omnibus notam relinquo.
                                        Veruntamen quia in Septentrionem maxima eius generis multitudo
                                        propter ferarum abundantiam reperitur, aliquid de
                                        earum natura præmissa distinctione præsentibus interponam.
                                        Sex igitur sunt genera aquilarum. Aquilarum 6. genera.
                                        Primum herodius, qui & girfalcus dicitur, avis inter omnes
                                        nobilissima, colore cæruleo, ad albedinem tendens, præterquamGirfalcus.
                                        in pectore & alis, vbi cœlestem colorem evidentius
imitatur: adeo fortis, vt aquilam rapiat: etiam adeo animosus, vt si in aëre post
quatuor vel quinque grues, vel alias aves dimissus fuerit, non desinat a præda, donec
omnes ad terram successive dejiciat, cane ad hoc edocto rapiendas. Nec revocatus
herodius is præ indignatione descendit, donec rapiat elapsam. Nec pluresHerodius
generat, quam vnum pullum, Alberto teste.
Secundum genus post hos nobilius est, quod anseres, cygnos, cuniculos, & leporesII. genus.
præcipue rapit, quando pullos habet. Herodio quantitate minor, coloris varii
ex albis & cinereis pennis intermixtis, candidas pennas habens in brevi ano.
Tertium, quod truncatis insidet arboribus, vnde denominationem accipit: estque cinereiIII.
coloris: anates, & anseres venatur: duobus prædictis generibus in quantitate, & audacia minus.
Quartum, quod accipit pisces, varium in ventre, album & nigrum in dorso, & instruma
nigras habens maculas: vnum pedem habet anserinum ad natandum, aliumIIII.
vngulis acutum ad rapiendum. Insidet arboribus super flumina piscibus insidians:
quorum maxima est multitudo in Aquilonaribus aquis.
Quintum genus parvum est, variique coloris, sed ingenio pollens: nam ossa in sublimi
portata, versus saxum, vt rumpantur, ob medullam exugendam emittit. V.
Sextum genus candidum, vivens e venatione leporum, cuniculorum, porcellorum,
catellorum, vulpium, & similium. Aquila tantum pullos diligit, vt sagitarumVI.
ictibus se pro illis interponat tanquam scutum.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0737.html

Valid HTML 4.0! All our files are DRM-free