- Project Runeberg -  Historia de gentibus septentrionalibus /
662

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIX. De avibus - Cap. XVII. De Columbarum genere, & colorum varietate

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)



662        DE AVIBUS.


illustration placeholder

De Columbarum genere, & colorum varietate.

CAP. XVII.

                                        QVAMVIS in Aquilonaribus terris nullus, aut rarissimus
                                        sit vsus columbariorum construendorum, atque columbarum
                                        specialiter enutriendaru: attamen quæ ad hanc artem
                                        attinent, pro informatione earundem terrarum, aliquam honesta
                                        compendia populis illis inspectione hujus libri poterunt
                                        demonstrari: vt ex aliorum ingeniis commoda solatia
                                        assequi valeant, & quatenus opus fuerit, sine cujusuis
Columbarium.                                         injuria imitari. Vnde autore Palladio, columbarium accipere
                                        potest sublimis aliqua turricula in prætorio, vel alio excelso
loco constituta, lævigatis & dealbatis parietibus, in quo columbæ recipiantur,
ac nutriantur: cujus cellæ duo subjecta cubicula fiant, vnum breve, ac prope
Turdi.obscurum, quo columbæ claudi possunt: (quas nutrire facilimum est aliud vero turdos
nutriat. In columbariis a quatuor partibus fenestrellæ brevissimæ fieri debent,
Nidi.vt columbas solas ad introitum, exitumque permittant. Nidi quoque inferius figurentur.
Modus inducendi extraneas columbas. A mustelis tutæ fient, si inter eas vetus lini folliculus proiiciatur. Inducunt alias,
si cymino assiduo pascantur, vel eis alarum extremitates melle inungantur. Rutæ ramulos
plurimis locis oportet contra animalia inimica suspendere. Est etiam habenda
Tinnunculus. avis tinnunculus, vel alia, quæ terrore suo accipitrem a columbario deturbet. In
ducendæ sunt columbæ, vt aves hujusmodi ament. Fertur enim, si in quatuor angulis
Avis multivaga columba. defodiantur in ollis novis oblitis, non mutare sedem columbas, multivaga alioquin
ave. Est enim ars illis inter se blandiri, & corrumpere alias, furtoque commitatiores
reverti. Verum vt hoc ipsum fiat, pauci inter Septentrionales populos, quibus
Esca columbarum. curiositas ista, non necessitas placet, præbent in pastum columbis pisa melle tincta,
quatenus inter osculandum blandiendumque, hac oris suavitate campestres columbæ
mansuetas comitentur in antra: eoque casu multæ capiuntur: quæ mox vt sunt ingressæ,
certis repagulis antra hujusmodi clauduntur. Accipitris impulsu vastum mare
ingrediuntur, ac se manibus hominum committunt pertractandas, prout & ego
1527.in mari Germanico constitutus vidi.


<< prev. page << föreg. sida <<     >> nästa sida >> next page >>


Project Runeberg, Mon Dec 11 13:21:44 2023 (aronsson) (diff) (history) (download) << Previous Next >>
https://runeberg.org/olmagnus/0748.html

Valid HTML 4.0! All our files are DRM-free