- Project Runeberg -  Historia de gentibus septentrionalibus /
680

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XIX. De avibus - Cap. XXXVI. De ponderosis Niuibus, & Culicibus hyemalibus

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)



680        DE AVIBUS.


illustration placeholder

De ponderosis Nivibus, & Culicibus hyemalibus.

CAP. XXXVI.

Nix diu durat in aquilone.                                         HÆCQVE nivium magna pressura continue durat, vsquequo
                                        solis ascensu, & Austrino Vento consumitur. Deinde
                                        post tantum, tamque diuturnum naturæ certamen, redivivo
                                        humore hujusmodi arbores incurvatæ, ad pristinam
                                        libertatem, & decorem resurgunt, eminentius in sublime
                                        tendentes, quo terra nivium humore resoluto, singulari fertilitate
                                        fuerit impinguata: quod & agricolis pro liberaliori
Nix magis quam fimus agros impinguat.                                         commodo cedit. Resolutione enim nivium agri fœcundiores
                                        redduntur, citiusque germinant, quam quivis
alii agri diligentissimo labore præparati, prout superius lib. XIII. in primis capitulis
Prata vberrima. est enarratum. Similiter & prata, ac pascua tantum luxuriant graminum
vbertate, ac diversitate, vt necessum sit inde arcere jumenta, ne nimio herbarum esu
crepent, aut debilitentur: immo vbi prata sunt, falcibus sæpe truncare herbas. Accedit
præterea aliud naturæ portentum versus Septentrionem, quomodo in plerisque
Culices minutuli in hyeme. locis penes terrarum calida spiracula minutuli culices generantur, Austroque flante
modicum a terra elevantur, & innumerabili agmine supra nives turbato volatu monentur:
& sicut nulli sunt molesti, ita vnico flatu venti Borealis asperi, veluti hemerobii
extinguuntur. Sed tamen rediens Auster novos producit ex eisdem cavernis, & similibus,
vt plurima pars hyemis etiam culices videat in aëre perstrepentes. Simile Strabo lib. XI.
in verbo Vermium ostendit. Est etiam hic consyderandum propter coloris similitudinem,
Caladrius albus. quod caladnus albus secundum legem immundus, cujus interiora femoris curant caliginem
oculorum, in atriis Regum invenitur. Homim infirmo, morituro faciem
Avis mirum præsagium. avertit: sed victuro faciem intendit, ægritudines eius assumens, & dispergens eas:
aliquando etiam ob hoc moritur ipsa avis. Licet autem flaccescant arbores nivium
densitate, & teneri rami nimio pondere more arcuum deprimantur, atque plures
arbores pronæ in terram inclinentur: tamen sub eis, tanquam in opacis locis,
Iter sub nivosis arboribus. frigido vento liberis, habitant diversæ bestiæ in maxima securitate.
Sed nec silendum est, itinerantes sub his incurvatis arboribus,
tanquam fornicibus, perficere vias suas:
leves tamen ictus casu nivium aliquando
sustinere.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0766.html

Valid HTML 4.0! All our files are DRM-free