Full resolution (JPEG) - On this page / på denna sida - Liber XX. De piscibus - Præfatio
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ABSOLVTIS præcedenti libro terrestribus atque aquatilibus |
avibus, eo relaxatur rerum ordo, vt ad natatilia ingurgite, |
vel fluminibus viventia descendatur, videaturque |
quid in aquis Septentrionalibus producitur, quod præter |
vitæ spiraculum parum commune in forma, vel proprietate |
habeat cum cæteris bestiis aliarum aquarum, & regionum. |
Habent enim lacus & amnes Aquilonares, adeo multiplices |
piscium species, in figura, qualitate, & quantitate ab aliis |
distinctas, vt delectabilius esset vti eorum sapore, quam altercari |
de nominum appellatione. Intuitus aliquando sum forum piscarium abundantissimum |
Venetorum: sed vix quatuor, aut quinque piscium genera, scilicet |
lucios, tenchas, anguillas, orches, ac squatinas reperi, quæ comparari poterunt |
Aquilonaribus piscibus multiplici varietate distinctis: quorum veriora nomina si |
Latino, vel Græco sermone elici, aut indicari nequeunt, veniam facilime merentur |
sapore gratissimo, quando parum famelico stomacho de nominibus, vel æquivocis |
( cujus nominis, vel generis sunt ) ratiocinari proderit, vbi delicatius præparanti, ac |
oblati jucundius exhilarent suos inquisitores. Nec fide carebunt, si insoliti sunt aut |
annuissi: quia in lib. De animal. conformi ominum sententia dicitur, diversa animalia sua propria |
sortiri loca, vt leones in Libya, & rangiferi in Suetia: ita & de avibus, piscibusque |
veniet vbilibet existimandum. In contemplatione enim naturæ nihil potest |
esse supervacaneum, nihilque incredibile conceditur intelligendum, vt vnicuique existimatio |
sua salva sit, quando conformioribus causis & rationibus approbata fuerit, |
atque rerum experientia corroborata. Cum Isidoro tamen animadvertendum est, quod |
bestiis, & volatilibus prius (tanquam antea visis) nomina imposita sint, quam aquatilibus: |
& his, cognito eorum generæ e similitudinem terrestrium animalium, aut |
ex propria specie, natura, moribus, coloribus, varietate, & sexu nomina data: similitudine, |
vt ranis, vitulis, leonibus marinis: e moribus terrestrium, canibus, vulpibus, lupis, |
in aquis existentibus, eo quod improba voracitate sua alios devorant, vel persequuntur: |
ex colore, vt vmbris, auratis, aureisvellis: e varietate, vt trutis, boctibus: |
ex figura, vt orchibus, rotis, serris: e sexu, vt musculo, eo quod sit ipsius |
balenæ masculus, cujus coitum concipit, producit, & lactat fœtum. Sed de |
his, & similibus particularius sequenti libro XXI. de piscibus |
monstrosis plurima successive ostendentur, vt interim via |
aperiatur ad loca piscibus magis abundantia. |
Piscium spes in aquilone multiplices. |
Piscens Venetorum multis, sed diversi ab aquilonaribus. |
Piscium sapores potius quam nomina attendenda. |
Animalia diversa loca congrua fortiuntur. |
Existimatio sua vnicuique salva. |
<< prev. page << föreg. sida << >> nästa sida >> next page >>