- Project Runeberg -  Historia de gentibus septentrionalibus /
792

(1555) [MARC] [MARC] Author: Olaus Magnus
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Liber XXII. De insectis animalibus - Cap. XII. De nocumentis Apum

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

792        DE INSECTIS ANIMAL.


illustration placeholder

De nocumentis Apum.


CAP. XII.


                                        PRO compertissimo in terris Aquilonaribus habentur, vt
                                        post resolutionem densarum nivium, campi & prata mira
                                        in varietate multiplices herbas, et diversarum arborum suavissimos
                                        flores producant; quibus apes post longum jejunium
Apibus nimia voracitas nocet.                                         hyemale nimia voracitate abutentes, ægritudinem sæpius
                                        incurrunt, immo subitam mortem, prout etiam Palladius
                                        lib. IIII. his verbis testatur: Apibus nocet plerunque
                                        felicitas sua, nam si nimiis floribus annus exuberat,
                                        dum solam curam generandi mellis exercent, de prole nihil
cogitant: cujus omissa reparatione, populus idem labore confectus, totius extinguitur
Apes a cibo, ne pereant, restringuntur. gentis exitio. Itaque idem Palladius remedium affert, vt interiectis trinis diebus
clauso foramine ad pascua non permittantur exire: quod ad generandum sobolem
plurimum opinatur conferre. In hyeme circa apes singularem dispensationem
Apibus pro hyeme sufficiens eibus relinquendus. esse adhibendam Aristoteles lib. IX. de animal. cap. XL. docet, vt secundum multitudinem
eis provideatur. Redduntur enim otiosiores, si in eximendis favis plus
mellis relinquatur: itaque pro examinis numero relinquendum est, Agunt etiam anxius,
si plus demetatur, quam vt residuum cibo sufficiat: atque etiam si alveus justo
amplior sit, desidiosiores redduntur: ægrius enim, quasi desperent, operi incumbunt.
Et Plin. lib. XI. cap. XVI. refert(quod ratio persuadet) pro hyeme duas partes
mellationis apibus relinquendas esse: tum etiam in eximendo melle alveos expendere
operæ pretium, ne ob inopiam cibi desperent, effugiant, vel moriantur, aut econtra
Apes fures, lenones, menstruosas mulieres haud ferunt. ob mellis copiam ignavæ fiant. Fures quoque, lenones, ac mulieres menstrua patientes,
accessu suo ad alvearia apibus plurimum nocent. Palladius lib. IIII. idem
asserit de exercentibus rem veneream, cibos acres, ac odoris immundi, & omnia salsamenta
comedentibus: cui Plin. eodem lib. cap. XVIII. his verbis astipulatur:
Apes multis injuriis obnoxiæ. Odere apes fœdos odores, proculque fugiunt, sed & infectos. Itaque vnguenta redolentes
infestant, ipsæ plurimorum animalium injuriis obnoxiæ.


<< prev. page << föreg. sida <<     >> nästa sida >> next page >>


Project Runeberg, Sun Jul 3 21:57:23 2016 (aronsson) (diff) (history) (download) << Previous Next >>
http://runeberg.org/olmagnus/0878.html

Valid HTML 4.0! All our files are DRM-free