Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
HEu mihi! BENZELI, quorsum? Pater optime, currus,
Quique equitum turmæ solus ad instar eras.
Heu! modö tantus ubi? Restant libamina fletus,
Singultus, planctus, oscula, justa, vale.
Illa ego, quæ fueram Sacrorum Rege superba:
Humecto lacrimis jam sua busta meis.
Exsequias pullæ nigras nunc ite Camenæ,
Inversis Musæ fascibus ite piæ.
Tu tamen ante alios tantas, Upsalia, clades,
Et tua mixta meis, å mea damna dole.
Quicquid ubique pium est, ferales fundito lessus;
Musarum princeps occidit ante diem.
Occidit ante diem; Non vos incuso, sorores;
Traxistis, fateor, non cita fila colo.
Attamen hæc poterat mors immatura videri,
Vel superet Pylium Nestora longa dies.
Heu mihi! passæ ubi jam BenzelI ad sidera palmæ?
Juverat hisce Patris fortia facta mei.
Utque sacram Regis studiis monitisque juventam;
Sic juvit votis arma VIRUMque suis.
In me quid meriti? Non marmore opusque tabellis;
Quot vivunt, meriti tot monumenta Tui.
Ipsa ego defuncto spargam Tibi lilia, flores;
Pyramis ipsa Tibi, præfica, marmor ero.
<< prev. page << föreg. sida << >> nästa sida >> next page >>
