Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Dixit ut hoc jussum, rursusqve repente tacebat,
Seqve simul noster stitit in ore modus;
At mecum indignans longo post murmure dixi,
Dicere cur geminum jusserat Illa Vale;
Cur non innumerum, cur non plus mille jubebat,
In vota ö nimium parca Camena fuit:
Usqve sed hoc geminum votum, licet ipsa recuset,
Ingeminare Tibi bis iterumqve velim.
Ipsa Tui consors societ tot gaudia Tecum:
Qvot scio Te — — —1 dinumerasse notas:
Si Tibi sint lucis, si tempora noctis agenda,
Vel si Te lumen Teqve vel umbra tegat;
Vos geminos inter tot læta jocentur, utroqve
Qvot numerat minimos Phoebus in axe gradus.
Kn 1 ibi qvid referam, dum festa hæc Carmina pando,
Dum circum ripas incomitatus eo;
Dumqve gero lævis recipit qvæ Carmina chartam,
Dum super hæc primam pansa tenetur aqvam;
Illa mihi primis reflexa videtur in undis,
Pendet ut in mediis scripta fuisset aqvis:
Et Tibi qvod scribo scriptumqve videtur in unda,
Qvod voveo inqve ipsa pæne vovetur aqvå:
Votaqve qvæ gemino, rursus geminantur ab unda,
Opto qvod, in summis Najas & optat aqvis;
Cum Tibi per ripas lætorum millia vovi,
Bis Tibi lætorum millia lympha vovet.
1 Ed. Scar.: Palmqvist!
<< prev. page << föreg. sida << >> nästa sida >> next page >>