Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
So vart han Lars 22 aar gamal. Daa tok han te
tenkje paa at han i grunnen var vaksen kar. Og det var
daa han log so godt naar dei spurde um han snart skulde
ut paa friing. „Jau, jau, det kan godt hende," sa han.
Og dei smaa glade augo hans skaut soler, naar han sa det.
Det var ein dag ho Brit stod i løda og vondia. Ho
tenkte paa ingen ting, stod og sulla og smaasong. So kjem
han Lars drivande. „Du Brit?" sa han. „Naa —?“ svara
ho. Og som ho stod der og saag paa guten, saag ho at
han hadde vaska seg og kjembt seg. Her maa vera noko
paa ferd, tenkte ho Brit. — „Du Brit?" sa han Lars,
stakk hendene i lomma og saag so fornøgd ut — „du
vilde vel ikkje gjera so vel aa vera gjenta mi?" — Brit
kunde ikkje anna, ho setté i og lo. „Ja-ja," sa Lars, „det
er ikkje verre ti di, du kan tenkje paa det." Dermed
gjekk han.
Ho Brit stod ei stund og log med seg sjølv, so vart
ho aalvorsleg og tok te vondie att.
Men der stod han Lars paa nytt. Han hadde hendene
paa ryggen og saag ut paa lag som vanleg. „Naa, har
du tenkt paa det daa?" sa han. „Tenkt paa det?" svara
ho Brit — „du er daa vel ikkje so galen at du trur slikt
kan gaa? — du som er son hans Jo Flug!" — „Hm, hm
— ja, ja, — det var no so, det daa,“ svara ’n Lars stilt,
og gjekk fort ut.
Den kvelden var han Lars i ulag. Men ingen la
merke til det, andre enn Brit, og ho tagde.
— So vart ikkje friarsoga hans Lars Flug lenger.
Eit halvt aar etter gifte ho Brit seg med Per
spel-mann, og brudlaupet stod paa Flug. Han Lars sa mest
ingenting; men han stirde stundom underleg paa brura.
„Naa Lars —?“ sa gutane, „skulde det ikkje vera moro
aa havt seg ei slik?" — „Jau-jau, det var ikkje verre i
det," svara han Lars som før. Men denne gongen log
han ikkje.
<< prev. page << föreg. sida << >> nästa sida >> next page >>
