Full resolution (TIFF) - On this page / på denna sida - Johan Nordström: Laurentius Petri Gothus' Strategerna gothici exercitus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
264 Johan Nordström
70 Mentem, quo terras mox spoliare iubet.
Exuitur castris miles, tunc obuia uastat
Omnia, dum stricto qualibet ense ruit.
Gothica gens contra stat fortiter, arma mouentes
Excipit, & belli publica iura fugit.
75 Vt uidet hos gestus, quæ mons caussa requirit
Rex, populus gothus cur loca uasta uelit?
Gens ea quæ solita est tot regna lacessere bello,
Prælia cur fugeret martia gråta prius?
Forsitan imperium Persæ si agnoscere uellet,
80 Rex placandus erit, qui prius hostis erat.
Donaq3 mittantur Victori & signa triumphi,
Hoc unum fieri pace suaq3 potest.
Persa tuis monitis sic respondisse refertur,
Cui sceptrum dederat Gothica turba suum.
85 Martis ad arma solet uix se conuertere nostra
Gens, nisi periusta hæc caussa subire iubet.
Nec sane immemor est gnatus uirtutis auitæ,
Quam factis celebrem gaudet habere suis.
[B4V] Nec tua ad arma tremunt fulgentia, Persa superbe,
90 Qui uictis populis imperitare solent.
Sed quia plebs didicit congestis uiuere paruis,
Diuitias spernit quæ fera bella mouent.
Corporis & præfert sani retinere salutem
Bello, nec tinctas sanguine quærit opes.
95 Sed, tu crede mihi, pro libertate tuenda,
Viribus illa ualet, magnaq3 bella gerit.
Oppida nec cingit muro acceptura fugatos.
E pugna reduces, cui placet arma capi.
Adde quöd & sedes pro consuetudine mutat
100 Sæpè suas populus, dum monet ipsa salus.
Sæpè facit tabes terras malå linquere amœnas,
Duriter infectas aére pestifero.
Sæpè homini uulnus letale animalq3 ueneno
Infert, namq3 nocet noxia quæq3 fera.
105 Sunt etiam mores multorum sæpè ferini,
Quos uitare iuuat, dum malå uita nocet.
Cur igitur uexat bello nos hostis iniquus,
Qui sumus in proprio libera turba solo?
Imperio Persæ rigido submittere colla,
110 Armigero Gotho non placuisse queat.
<< prev. page << föreg. sida << >> nästa sida >> next page >>
