Full resolution (JPEG) - On this page / på denna sida - Hulda Garborg: Krishnamurti
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Hulda Garborg.
Indus (på sanskrit Sindhu) då dei kom inn i Nordvest-India.
Og seinare var det muhamedanarane og dei kristne som gav
den ariske religionen namne hinduisme. Enno yngre er
ordet brahmanisme som kristne misjonærar skal ha laga.
For oss sjølvmedvetne Europafolk som meiner at Indo
ariane er og hev vore eit folk utan civilisasjon eller religiøs
kultur, er det sikkert helsesamt og å koma litt inn i soga
deira. Dei som hev studera Veda-skriftine veit å fortelje
oss, at indo-ariane alt 2000 år fyre Kristus åtte ein høg civi
lisasjon. Ja, endå ein stakkars lækmann som sovidt hev glytta
ned i det oceanet som heiter gamall-indisk bokheim, må
kjenne, at her ligg velduge kulturelle og religiøse skattar
nedgravne.
Noko kjennskap til denne rike tankeverdi hev teosofane
gjeve oss. Dei byggjer på gamall grunn, men lagar kvar
sine system, som vatnar ut eller legg skodde um den klåre
kjerna
Krishnamurti voks upp i ein ortodoks hinduheim, men
12 år gamall vart han ættleid av den store teosofføraren
Annie Besant, kom inn i heilt teosofisk miljø og var
lenge eit barn i hendane til den sterke og eldhuga foster
mor si. Ho hadde gjenom noko slag mystisk opinberring
fenge den vissa, at den vakre og gåverike guten ho kom til
å elska som ein son, skulde bli ein verdslærar, den heilage
bustaden for den Messias verdi venta.
I den vesle boki um «Krishnamurti som menneske og
forkynner» fortel dr. Lilly Heber, at fødestaden til Krishna
murti er Madanapalle i Sør-India, men foreldri hans, fornæme
men fatige braminar, flutte seinare til Adyar, nær ved
Madras, der det teosofiske samfunde hadde hovudsete sitt,
Der var det då, at han og bror hans vart fosterborni til
Annie Besant, som då var president for dette samfunde.
Og so tok læretidi hans til. Fysst ved dei beste skulane
i India; seinare i Europa, der han vart i ti år. Han studera
i Paris og London, vart ein moderne tenkjar, men likevel
altid hindu. Og under heile studietidi arbeidde han som lærar
samstundes med at han sjølv lærde. I India skipa han sine
eigne klasser ved skulen, der unge og gamle vart innbedne
til å høyre på han. Han vart ein reformator med stort ry
446
<< prev. page << föreg. sida << >> nästa sida >> next page >>
